Stress Niinzi?

Stress niinzila mubili mbuuchita kuti kwaba zintu zikukataazya. Boongo nga bwapa kuti mahomoni apanga stress azule mumubili woonse. Eezi zipa kuti moyo ufwambaanisye kupompa ganzi, BP itante, mapunga naakuti mapupwa akomene naakuti awonyane akupa kuti nyama zichise. Mubili wako ulasaanguna kumvwa webo kutanaziba pe zilikuchitika. Kuti chintu chikukataazya chamana mubili nga waba kabotu.

BUBOTU ABUBI BWASTRESS

Stress iisaangunina muboongo. Chimwi chiindi stress ilagwasya nkaambo ipa kuti tukonzye kulwana abuyumu-yumu naakuti zintu zikonzya kutupambanisya. Ipa kuti tufwambaane kuchita zintu. Alubo ilakonzya kupa kuti tuchite nzitukanzide mbuuli kupasa kuchikolo, kuinterview akumisobaano.

Nikuba boobo, kukataazikana zyiindilide kulakonzya kutupambanisya. Kuti wakkala kulastress kwachiindi chilamfu ulakonzya kuchiswa, kufwambaana kunyema akutayeeya kabotu. Nzila njulimvwaayo ambubajata bamwi zilakonzya kuchincha. Kukataazikana zyiindilide kulakonzya kupa kuti muntu abelesye zintu zikola mbuuli bukande, madrugs azimwi. Alubo kupa kuti akkale kakatede, achiswe bulwazi bwadepression akuti alijeye.

Nikuba kuti stress tayipambanisyi bantu boonse munzila ifanana, pesi ilakonzya kupa kuti babe amalwazi asiyene-siyene. Alubo ilakonzya kupambanisya mubili munzila zisiyene-siyene.