MBUKONZYA KUZUNDA STRESS
Ulakonzya Kuzoopona Kutakwe Stress
Bbayibbele lilaabusongo butugwasya kuti tutantamuke zintu zipa kuti tube astress. Pesi tatukonzyi pe kugwisya zintu zyoonse zitupa stress, nikuba boobo Mulengi wesu ulakonzya. Wakasala Jesu Kristu kuti atugwasye. Uyoochita zintu zibotu munyika yoonse zyiinda nzyaakachita chiindi naakali aanyika. Muchikozyano:
JESU UYOOPONIA BACHISWA MBUULI MBAAKACHITA.
“Eelyo bakamuletela boonse aabo ibakali kupenga amalwazi . . . , eelyo wakabaponya.”—MATAYO 4:24.
JESU UYOOPA KUTI BANTU BOONSE BABE AMAANDA ACHAKULYA.
Aabo bayooyendelezegwa aKristu “bayooyaka maanda akukkala mulingawo, bayoosyanga myuunda yamisaansa akulya micelo yanjiyo. Tabakayaki maanda kuti muntu uumbi akakkale nguwe mulingawo, alimwi tabakasyangi myuunda kuti muntu uumbi akalye nguwe micelo yanjiyo.”—ISAYA 65:21, 22.
BWEENDELEZI BWAJESU BUYOOPA KUTI MUNYIKA MUBE LUUMUNO ALUKWABILILO.
“Mumazuba aakwe balulami bayoozwidilila, alwalo luumuno luyoovwula kusikila mane mwezi utakabi limbi. Uyooba abalelwa kuzwa kulwizi lumwi kusikila kulwizi lumbi akuzwa ku Mulonga kusikila kumagolelo aanyika. . . . Basinkondonyina bayoolya bulongo.”—INTEMBAUZYO 72:7-9.
JESU UYOOMANISYA KUTALULAMA.
“Muntu uupengede alimwi amucete uyoobafwida lubomba, alimwi uyoofwutula buumi bwabacete. Uyoobavwuna kukudyaamininwa akunkondo.”—INTEMBAUZYO 72:13, 14.
JESU UYOOMANISYA MAPENZI ALUFU.
“Lufwu talukabi limbi, akwalo koomoka, kulila nokuba kucisa takukabi limbi pe.”—CIYUBUNUZYO 21:4.