MUNYIKA YAZUKILA AAMAPENZI

4 | Kwabilila Bulangilizi Bwako

NKAMBOONZI NIKUYANDIKANA

Mapenzi aali munyika alikupambanisya bantu munzila zyiingi. Bantu biingi tabachikwe bulangilizi pe akaambo kamapenzi ngibalikuswaana. Bachita biyeni chiindi nibaswaanana mapenzi?

Bamwi tabayandi pe kuyeeya atala alyajuunza.
Bamwi beezya kuchija mapenzi aabo kwiinda mukunywa bukande zyiindilide naakuti kubelesya minsamu iikola.
Bamwi bayeeya kuti kufwa kulikabotu kwiinda kupona. Ngabalibuzya kuti: “Ndichiponenaanzi?”

Nzweelede Kuziba

Amwi mapenzi ngulookuswaana alakonzya kuba aachiindi chifwiifwi biyo, alubo zintu zilakonzya kubota kutayeeyeli pe.
Nikuba kuti mapenzi aako alakonzya kutamana, kuli zimwi zintu nzukonzya kuchita kuti ulisimye.
Bbayibbele lipa bulangilizi bwachoonzyo, bwakuti mapenzi aabantu ayoomana.

Nzukonzya Kuchita Lino

Bbayibbele Lyaamba Kuti: “Mutanoolibiliki zyabuzuba butobela, nkaambo buzuba butobela bunoojisi zyakulibilika zyambubo. Buzuba bumwi abumwi bulijisi mapenzi aambubo aakkwene.”—Matayo 6:34.

Langana aamapenzi aabuzuba bumwi aachiindi chimwi. Utazumizyi makataazyo aabuzuba butobela kuti akukachizye kuchita zyabuzuba bwasunu.

Kukataazikana kulikuyeeya kuti zintu zilakonzya kubija loko, kulakonzya kukumana manguzu akupa kuti ubonaanga zintu tazizooboti pe.

NZUKONZYA KUCHITA—Malayilile Aagwasya

BA AAMABONENO AALIKABOTU

Bbayibbele lyaamba kuti: “Mazuba oonse aamuntu uupengede mabyaabi, pele ooyo uulaamoyo uukkomene ulaapobwe ciindi coonse.” (Tusimpi 15:15) Kuba aamaboneno aatali kabotu kulakonzya kupa kuti ubonaanga penzi lyako talimani pe. Pesi kuti waba aamaboneno aalikabotu ulakonzya kuyanduula zimwi nzila zyakuti umaninsye penzi lyako.

Chesya chiindi nchumana kukweebela manyuzi.
Buzuba abuzuba, lemba zintu zibili naakuti zitatu nzuyanda kulumba Leza.
Lemba aansi zintu nzuyanda kuchita mubuzuba. Milimu mipati ipasuule wiibikke mutupanzi tuniini, kuchitila kuti ubone kuti unooli wasikaali kumamanino aabuzuba.

GWASIGWA AABAMWI

Bbayibbele lyaamba kuti: “Kufwumbwa muntu uulizandula . . . ulabukaka busongo boonse bugwasya.” (Tusimpi 18:1) Bapati bakati, chaala chimwi tachijayi njina. Nkinkaako, kuti kuyanda kuzwidilila, gwasigwa aabamwi.

Jana lugwasyo kuzwa kuli bamumpuli akubeenzinyokwe.
Alubo yanduula nzila zyakubagwasya. Kugwasya bamwi kulakonzya kukugwasya kuti utakkali kuyeeya mapenzi aako.
Kuti kutachikwe bulangilizi alubo kubonaanga buumi tabuchigwasyi pe, kulikabotu kuti ukayanduule busilisi. Kukkala kumanide manguzu, chimwi chiindi nga nchitondeezyo chakuti waba aabulwazi bwakukataazikana mumizeezo. Bantu biingi bakagwasigwa kwiinda mukuyanduula busilisi.a

a Amubuke! tayitubikkili milawu ilaatala anzila zyabusilisi.

Bbayibbele Lipa Bulangilizi Bwachoonzyo

Sintembawuzyo naakali kukomba kuli Leza wakati: “Ijwi lyako ndilambe kumaulu aangu, alimwi mumuni uumunikila nzila yangu.” (Intembauzyo 119:105) Nkamboonzi Jwi lyaLeza, Bbayibbele nilikozyanisigwa aalambe amumuni?

Lambe lilatumunikila mansiku kuchitila kuti tubone mputweelede kulyata. Munzila iikozyenie, Bbayibbele lilaabusongo bugwasya bukonzya kutuzulwida chiindi nituyanda kusala zintu zipati mubuumi.

Mumuni umunikila nzila yesu kuchitila kuti tubone zilikunembo. Munzila iikozyenie, Bbayibbele lilakonzya kutumunikila kuchitila kuti tubone mbulinoobede lyajuunza.

Bbayibbele ndibbuku lisalala, taligoleli aakutubuzya mbubwakatalika buumi bwabantu pesi litupa bulangilizi bwachoonzyo atala alyajuunza. Litondeezya:

Mbaakasaanguna mapenzi

Bbayibbele lyaamba kuti: “Mbubonya cibi mbocakanjila munyika kwiinda mumuntu omwe alufwu kwiinda mucibi, eelyo lufwu lwakasikila bantu boonse nkaambo boonse bakabisya.”—Baroma 5:12.

Chipa kuti beendelezi bakachilwe kumana mapenzi

Bbayibbele lyaamba kuti: “Muntu weenda tapedwe nguzu zyakusololela noziba ntaamu zyakwe.” (Jeremiya 10:23) Zintu zilikuchitika munyika zitondeezya kuti nzilwaamba lugwalo oolu nzyachoonzyo.

Nzyayoochita Leza kuti amaninsye mapenzi

Bbayibbele lyaamba kuti, Leza “uyoosindula misozi yoonse kumeso aabo, alimwi lufwu talukabi limbi, akwalo koomoka, kulila nokuba kucisa takukabi limbi pe. Zintu zyakaindi zyamana.”—Ciyubunuzyo 21:4.