MUBUZYO 3
Kujana Ndaambuula Biyeni Abazyali Bangu?
KUJANA WACHITA BIYENI?
Yeeya eezi: Mbwatatu goko. Busongo uli aminyaka iili 17, wamaninsya kubeleka milimu yang’anda mpawo wayeeya kulyookezya. Wajula TV mpawo waliwaala asofa.
Kakutanayinda chiindi Wisi wayimikila amulyango kanyemede.
“Busongo! Nkamboonzi nulikweebela TV kwiinda kuti ugwasye mwanikaako kulemba homework? Tuswiilili pe!”
“Mudala alakwe watalika” Busongo wasandula kanyemede.
Wisi kanyemede wati, “Watyeni mufana?”
Kalikuzilula meso wati “Taakwe pe”
Wisi wanyema loko. “Tunoondisanduli oobo ndime wuso wamvwa!”
Kaansinga nduwe Busongo walikunoosandula biyeni kuti zintu zitabiji loko?
YEEYA SAANSI!
Kwaambuula abazyali bako kuli mbuuli kudilayiva moota. Kuti wajana kuti mugwagwa wakasinkwa ulayanduula imbi nzila.
MUCHIKOZYANO:
Musimbi uutegwa Tuleke wakaamba kuti, “Kulandiyumina kwaambuula andeende. Chimwi chiindi kuti kandilikwaambuulawe ngawandibuzya kuti undilekelele teendamvwa pe walikutyeni?”
TULEKE ULAKONZYA KUSALA NZILA ZITATU.
Kukalalila wisi.
Tuleke wamukalalila kati, “Kamundiswiilila, nzindiyanda kumubuzya nzipati!”
Kutakata kwaambuula awisi.
Tuleke watakata kubuzya wisi zintu zilikumukataazya.
Kuyanduula chiindi cheelede chakuti azoomubuzye zimukataazya.
Tuleke waambuula awisi mulomo mpande naakuti kumulembela kagwalo kuti amubuzye zilikumukataazya.
Njiili nzila njubonaanga iilikabotu njakonzya kubelesya Tuleke?
NZWEELEDE KUYEEYA: WisaaTuleke ulijisikini zyakuti tazibwene kuti mwanaakwe ulikukataazikana. Kuti Tuleke wasala A wisi takoomvwisisisya kuti nkamboonzi nalikumukalalila. Eezi zilakonzya kupa kuti wisi atamuswiilili alubo tazitondeezyi kumulemeka pe. (BaEfeso 6:2) Nkinkaako, nzila eeyi tiikonzyi kuzwidilila.
Mbukunga tuleki pe lweendo lwako kuti nzila kiisinkidwe, mbukubede ulakonzya kuyanduula imwi nzila iikonzya kupa kuti mwaambuule kabotu abazyali bako
Bantu biingi basala B pesi nzila eeyi tigwasyi pe. Nkamboonzi? Kuti Tuleke abambulule zintu zimukataazya, weelede kubuzya wisi kuti amugwasye alubo wisi weelede kuziba buyumu-yumu mbwaswaana mwanaakwe. Kuumuna takugwasyi pe.
Kuti wasala C, Tuleke unooli watondeezya kuti taazumizya kuti mugwagwa uusinkidwe ugozye lweendo lwakwe. Pesi wasala kuti azoomubuzye zimukataazya bumwi buzuba. Alubo kuti Tuleke wasala kulembela wisi kagwalo kulakonzya kumugwasya.
Kulemba kagwalo kulakonzya kumugwasya kuti aambe zyoonse zili mumoyo wakwe. WisaaTuleke kuti wabala kagwalo ulakonzya kumvwisisisya nzyaali kuyanda kumubuzya mwanaakwe ambalimvwa. Kusala C kulakonzya kugwasya Tuleke awisi. Nikuba kuti waambuulawe mulomo mpande naakuti wamulembela kagwalo, nzila eeyi yeendelena anzitusungwaazigwa aBbayibbele kuti, “atutobele zintu zileta luumuno.”—BaRoma 14:19.
Nziizili zimwi nzila nzyakonzya kusala Tuleke?
Yanduula imwi nzila mpawo uyilembe mumyeenya njupedwe. Alubo lemba kuti kuchita oobo kuyoopa kuti akajane mpinduunzi.
WAMBUULA MUNZILA IIMVWISISIKA
Chimwi chiindi ulakonzya kwaambuula zintu nzibatamvwisisisyi pe bazyali bako.
MUCHIKOZYANO:
Bazyali bako balakonzya kukubuzya kuti nkamboonzi nuchitaanga ulinyemede. Ulakonzya kuti, “Tandiyandi pe kwaambuula atala anzizyo.”
Bazyali bako balayeeyela kuti ulikupandulula kuti, “tukonzyi kubabuzya nsiswa yako nkaambo tubasyomi pe. Alubo balakonzya kubonaanga ulikuti ulakonzya kubuzya beenzinyokwe kutali mbabo.”
Atuteedi waswaana penzi pati mpawo muzyali wako wakubuzya kuti uyanda kukugwasya. Pesi wamusandula kuti: “Mutalikataazyi ndilakonzya kulibambulula andikke penzi lyangu.”
Muzyali wako ulakonzya kuyeeyela kuti:
Kuti umusandule kabotu ulakonzya kuti: