CHIIYO 34
Kujana Twatondeezya Biyeni Kuti Tulamuyanda Jehova?
Kwiiya Bbayibbele kulikukugwasya kuti uswene aafwiifwi na aLeza? Ulayanda na kuti wiinkilile kunembo kumuyanda Leza? Kuti kakuli boobo, weelede kuziba kuti, kuti Jehova wazibona kuti ulamuyanda anguwe uyookuyanda loko alubo uyookulangania. Kujana wazitondeezya biyeni kuti ulamuyanda Leza?
1. Kujana twatondeezya biyeni kuti tulamuyanda Jehova?
Tutondeezya kuti tulamuyanda Jehova kwiinda mukumuswiilila. (Bala 1 Johane 5:3.) Jehova tatusungilizyi biya pe kuti tumuswiilile. Pesi upede umwi awumwi wesu mweenya wakuti tutondeezye kuti tuyanda kumuswiilila na naakuti pe. Nkamboonzi? Nkaambo Jehova uyanda kuti tumuswiilile “kuzwa ansi aamoyo.” (Baroma 6:17) Mulaamwi majwi, Jehova uyanda kuti umuswiilile kutali kuti mulawu ngwakupede pe pesi umuswiilile akaambo kakuti ulamuyanda. Chipanzi 3 a4 chabbuku eeli, zyakapangilwa kuti zikugwasye mbukonzya kutondeezya kuti ulamuyanda Jehova kwiinda mukuchita zintu zimubotezya akutantamuka zintu zitamubotezyi.
2. Nkamboonzi chimwi chiindi nikukonzya kutuyumina kuyanda Jehova?
“Mapenzi aamululami manji.” (Intembauzyo 34:19) Toonse tulwana aachibi nchitulaacho. Alubo tulakonzya kubula mali, kutajatwa kabotu naakuti kuswaana bumwi buyumu-yumu. Kuti twaba mupenzi, kulakonzya kutuyumina kuchita zintu nzyayanda Jehova. Chimwi chiindi, kuti tukonzye kuzwa mupenzi eelyo nzila nguba nganjakuchita zintu zitayandwi aaJehova. Nkinkaako, kuti wasyomeka kuli Jehova kwiinda mukuswiilila milawu yakwe nga watondeezya kuti ulamuyanda kwiinda zintu zyoonse. Alubo nga watondeezya kuti ulasyomeka kulinguwe. Anguwe uyoosyomeka kulinduwe. Takakusiyi pe.—Bala Intembauzyo 4:3.
YIYA ZYIINGI
Bona kuti nkamboonzi Jehova nayanda kuti umuswiilile azikonzya kukugwasya kuti ukkale kusyomeka kulinguwe.
3. Nkani iikuswaanizya anduwe
Kweendelana abbuku lyaJobu, Saatani wakabejelezya Jobu kuswaanizya abantu boonse bayanda kukomba Jehova. Bala Jobu 1:1, 6–2:10, mpawo musandule mibuzyo iitobela:
Saatani wakaamba kuti niinzi zyakali kupa kuti Jobu aswiilile Jehova?—Langa Jobu 1:9-11.
Saatani ubabejelezya biyeni bantu boonse kuswaanizya anduwe?—Langa Jobu 2:4.
Bala Jobu 27:5b, mpawo musandule mubuzyo uutobela:
Jobu wakatondeezya biyeni kuti uyanda Jehova kazizwaansi aamoyo?
Jobu wakatondeezya kuti ulamuyanda Jehova kwiinda mukukkala kasyomeka
Tutondeezya kuti tulamuyanda Jehova kwiinda mukuzumanana kusyomeka
4. Botezya moyo waJehova
Bala Tusimpi 27:11, mpawo musandule mibuzyo iitobela:
Jehova umvwa biyeni kuti wasala chabusongo akumuswiilila? Nkamboonzi?
5. Ulakonzya kusyomeka kuli Jehova
Kuyanda Jehova kupa kuti tukambawukile bamwi. Kusyomeka kuli Jehova kupa kuti tukambawuke nikuba kakuli kuyumu kuchita oobo. Mweebele VIDIYO, mpawo musandule mibuzyo iitobela.
Kulakuyumina na chimwi chiindi kukambawukila bamwi?
Niinzi chakagwasya Grayson kuti azunde penzi lyakuyoowa?
Kulakonzya kutuubila kuti tusyomeke kuli Jehova kuti twayanda zintu nzyayanda akuzonda zintu nzyatayandi. Bala Intembauzyo 97:10, mpawo musandule mibuzyo iitobela:
Kweendelana anzwaayiya, nziizili zintu Jehova nzyayanda? Alubo nziizili nzyazonda?
Kujana wachita biyeni kuti uyande zintu zibotu akuzonda zibi?
6. Kuswiilila Jehova kugwasya ndiswe
Kuswiilila Jehova kulagwasya chiindi choonse. Bala Isaya 48:17, 18, mpawo musandule mibuzyo iitobela:
Zilachita na kuti tusyome kuti Jehova ulizizi zintu zitugwasya? Nkamboonzi?
Kwiiya Bbayibbele akuziba Leza wakasimpe Jehova, kulikukugwasya biyeni?
BAMWI BAAMBA KUTI: “Leza takwe ndaba pe azintu nzindichita.”
Nduululi lugwalo ndukonzya kubelesya lutondeezya kuti Jehova ulaandaba azintu nzituchita?
CHIFWIINSYO
Ulakonzya kutondeezya kuti ulamuyanda Jehova kwiinda mukumuswiilila akuzumanana kusyomeka kulinguwe nikuba kakuli kuyumu kuchita oobo.
Mibuzyo Yakwiindulula
Wayiyaanzi kuchikozyano chaJobu?
Kujana watondeezya biyeni kuti ulamuyanda Jehova?
Niinzi chikonzya kukugwasya kuti ukkale kusyomeka kuli Jehova?
YANDUULISISYA
Bona mbukonzya kutondeezya kuti ulasyomeka kuli Jehova amumbungano.
Bona zimwi Saatani nzyabejelezya bantu.
“Jobu Wakazumanana Kusyomeka” (Bbayibbele Lyaambuula Atalaanzi? chipanzi 6)
Bona bana mbubakonzya kutondeezya kuti balamuyanda Jehova.
Niinzi chikonzya kugwasya mwana kuti akkale kasyomeka kuli Jehova nikuba kuti beenzinyina bayanda kumweena?