Mapobwe Woonse Alamubotezya Na Leza?

Jehova uyanda kuti tubotelwe mubuumi alubo uyanda kuti chimwi chiindi katuchita mapobwe. Pesi mapobwe woonse alamubotezya na Leza? Kujana twatondeezya biyeni kuti tulamuyanda Jehova munkani eeyi?

1. Nkamboonzi mapobwe miingi natamubotezyi Jehova?

Zilakonzya kukugambya kuti mapobwe miingi tayendelani amagwalo pe naakuti akasaangunwa aabantu bakatali kukomba Leza. Mapobwe aayo ngalaachakuchita abukombi bwakubeja. Alakonzya kuswaanizya mizimu naakuti njiisyo yakuti muuya tawufwi pe. Amwi mapobwe akatalikila muzintu zyachidimoni. (Isaya 65:11) Jehova uchenjezya bakombi bakwe kuti: “Amuzwe akati kabo . . . alimwi amuleke kuguma cintu cisofweede.”—2 Bakorinto 6:17.a

2. Jehova waabona biyeni mapobwe aapa kuti tubape bulemu bwiindilide bantu?

Jehova utuchenjezya kuti tutanjili mukakole kakusyoma “bantu balya maila.” (Bala Jeremiya 17:5.) Amwi mazuba aakulyookezya ngakulemeka beendelezi naakuti masooja. Amwi ngakusekelela kulilela kwanyika. (1 Johane 5:21) Mpawo amwi asumpula zyapolitikisi azyeelelo zyabantu. Jehova umvwa biyeni kuti bantu bapa bulemu bwiindilide kumuntu naakuti kuli kamwi kabunga kasumpula zintu zikazyania aakuyanda kwakwe?

3. Njiili michito iichitwa kumapobwe atatambuliki kuli Jehova?

Bbayibbele lilakasya ‘kuciindizya kunywa bukande, mapobwe aateendelezyeki akuzundana kunywa bukande.’ (1 Petro 4:3). Kulaamwi mapobwe bantu nga tabalijati pe. Kuti tuzumanane katuli beenzinyina baLeza, tweelede kuzitantamuka zintu eezi.

YIYA ZYIINGI

4. Tantamuka mapobwe aatalemeki Jehova

Bala Baefeso 5:10, mpawo musandule mibuzyo iitobela:

• Niinzi nchitweelede kubikkila maanu chiindi nituyanda kusala kuti tulisekelele na limwi pobwe?

• Ngaali mazuba aakulyookezya aasekelelwa aazibikene nkukkala?

• Ubonaanga kusekelela mazuba aayo kulamubotezya na Jehova?

Muchikozyano, ubonaanga mapobwe aamazuba aakuzyalwa alamubotezya na Leza? Bbayibbele taakwe mpulyaambide atala abakombi baJehova bakali kusekelela mazuba aakuzyalwa, pesi lyaambuula atala abantu babili bakasekelela mazuba aabo aakuzyalwa, bantu aabo teebakali bakombi baJehova pe. Bala Matalikilo 40:20-22 a Matayo 14:6-10. Kuzwa waawo, musandule mibuzyo iitobela:

• Nchiichili chintu chikozyenie chakachitwa kumapobwe aaya?

• Kweendelana anzitwayiya, ubonaanga Jehova ukubona biyeni kusekelela mapobwe aakuzyalwa?

Ulakonzya kulibuzya kuti, ‘Jehova ulaandaba na kuti ndasekelela pobwe lyakuzyalwa naakuti limwi pobwe liteendelani aamagwalo?’ Bala Kulonga 32:1-8. Mpawo mweebele VIDIYO kuzwa waawo musandule mibuzyo iitobela.

VIDIYO: Mapobwe Amazuba Aakulyookezya Aatabotezyi Jehova (5:07)

• Nkamboonzi nitweelede kuchita zintu zibotezya Jehova?

• Kujana twazichita biyeni?

Mbutukonzya kuziba kuti pobwe eeli talimubotezyi pe Leza

• Lileendelana na azilembedwe muBbayibbele? Kuti ukonzye kuziba nsandulo, yanduulisisya kuti lyakasaanguna biyeni.

• Lipa kuti tubape bulemu bwiindilide na bantu, tubunga naakuti nyika? Tweelede kupa Jehova bulemu kwiinda zyoonse akusyoma kuti nguwe alikke utazomaninsye mapenzi ali munyika.

• Kuchitwa zintu zikazyania azyeelelo zyamuBbayibbele na? Tweelede kukkala katuli bantu balinyona abalijata.

5. Gwasya bamwi kuti balemeke nzusyoma

KAVIDIYO: Pandulula Nzusyoma Munzila Yabupampu (2:01)

Bala Matayo 7:12, mpawo musandule mibuzyo iitobela:

• Kweendelana avesi eeyi, zilachita na kuti ubuzye bamumpuli yako batakombi kuti baleke kusekelela aamwi mapobwe naakuti mazuba aakulyookezya?

• Niinzi nzukonzya kuchita zitondeezya kuti ulabayanda bamumpuli nikuba kuti tuliswaanizyi ambabo mukusekelela aamwi mapobwe?

6. Jehova uyanda kuti tubotelwe

Jehova uyanda kuti tujane chiindi chakubotelwa katulaamwi abamumpuli abeenzuma. Bala Mukambausi 8:15, mpawo musandule mubuzyo uutobela:

• Vesi eeyi itondeezya biyeni kuti Jehova uyanda kuti tubotelwe?

Jehova uyanda kuti bakombi bakwe bajane chiindi chakubotelwa kabalaamwi. Mweebele VIDIYO kuti ubone mbubabotelwa bakombi baJehova kumiswaangano yazisi.

VIDIYO: Mbubakatondeezyania Luyando Kumiswaangano yaZisi (5:40)

Bala Bagalatiya 6:10, mpawo musandule mibuzyo iitobela:

• Tweelede kusekelela mapobwe aazibikene na kuti tuchitile bamwi “milimo mibotu”?

• Nkuukuli kupa kubotezya, kwakusungilizigwa biya nikuli kusekelelwa limwi pobwe naakuti kwakuliyandila?

• Bakamboni biingi, ngabachitila bana babo zintu zibotu akubapa zipo. Kuti kulaabana, nziizili zimwi zintu zibotu nzukonzya kubachitila?

CHIFWIINSYO

Jehova uyanda kuti tujane chiindi chakubaamwi abamumpuli abeenzuma. Pesi uyanda kuti tutantamuke kusekelela mapobwe aatamubotezyi.

Mibuzyo Yakwiindulula

• Njiili mibuzyo iikonzya kukugwasya kuti ubone kuti pobwe eelyo lilamubotezya na Jehova?

• Kujana twabagwasya biyeni bamumpuli abeenzuma kuti bamvwisisisye kuti nkamboonzi nitusala kutasekelela amwi mapobwe?

• Tuzizi biyeni kuti Jehova uyanda kuti tubotelwe?

YANDUULISISYA

Bona mapobwe naakuti mazuba aakulyookezya aateelede kusekelelwa aamaKristu.

“Nkamboonzi Bakamboni baJehova Nibatasekeleli Mazuba Aakulyookezya?” (Chiiyo chijanika aaIntaneti)

Bona twaambo tuli 4 tupa kuti tusyome kuti kusekelela zuba lyakuzyalwa takumubotezyi pe Leza.

“Nkamboonzi Bakamboni baJehova Nibatasekeleli Mazuba Aakuzyalwa?” (Chiiyo chijanika aaIntaneti)

Bona uuchikula mbaakabelesya bupampu kuti azunde penzi lyakufubaazigwa kuchikolo atala anzyasyoma kujatikizya Kkisimusi.

Kuzunda Kufubaazigwa Munzila Yabupampu (2:04)

Mamiliyoni aamaKristu bakasala kutasekelela Kkisimusi. Balimvwa biyeni atala anzibakasala?

“Bakajana Chintu Chibotu” (Ngaziyakulinda, December 1, 2012)