CHIIYO 46

Nkamboonzi Nitulipeda Akubbabbatizigwa?

Printed Edition

Ulalipeda kuli Jehova kwiinda mukukomba kulikumusyomezya kuti unookomba nguwe alikke akuti unoobikka kuyanda kwakwe mubusena bwakusaanguna kwabuumi bwako boonse. (Intembauzyo 40:8) Kuzwa waawo, ulabbabbatizigwa. Kubbabbatizigwa kutondeezya bamwi kuti wakalipeda. Kulipeda kuli Jehova nchintu chiyandikana loko kwiinda zyoonse. Niinzi cheelede kupa kuti ubweze ntaamu eeyi iiyandikana loko?

1. Niinzi chipa kuti muntu alipede?

Tulalipeda kuli Jehova akaambo kakuti tulamuyanda. (1 Johane 4:10, 19) Bbayibbele lyaamba kuti: “Weelede kuyanda Jehova Leza wako amoyo wako woonse, abuumi bwako boonse, amizeezo yako yoonse alimwi anguzu zyako zyoonse.” (Marko 12:30) Tutondeezya kuti tulamuyanda Leza kwiinda muzintu nzitwaambuula anzituchita. Mbukunga luyando nga lwapa kuti bantu bayandana bakwatane, kuyanda Jehova kupa kuti tulipede akubbabbatizigwa.

2. Nziizili zilongezyo nzibajana bantu babbabbatizigwa?

Kuti wabbabbatizigwa nga waba aakati kampuli yaJehova iibotelwa. Uyoobona Jehova mbakutondeezya luyando munzila zisiyene-siyene alubo uyooswena afwiifwi loko anguwe. (Bala Malaki 3:16-18.) Jehova uyooba Ndeendaako alubo uyooba aakati kabakwesu abachizi balimunyika yoonse bayanda Jehova kuswaanizya anduwe. (Bala Marko 10:29, 30.) Pesi kuli nzweelede kuchita kutanabbabbatizigwa. Weelede kwiiya atala aJehova, kumuyanda akuba aalusyomo muMwanaakwe. Kuzwa waawo, weelede kulipeda kuli Jehova. Kuti wachita zintu eezi mpawo wabbabbatizigwa, unooli waba munzila yakuti ukabotelwe kukabe kutamani. Jwi lyaLeza lyaamba kuti: “Lubbapatizyo . . . alwalo lulamufwutula lino.”—1 Petro 3:21.

YIYA ZYIINGI

Bona kuti nkamboonzi nikuyandikana kulipeda kuli Jehova akubbabbatizigwa.

3. Toonse tweelede kulisalila kuti ngwani ngutuyanda kukomba

Muchiindi chamaIsrayeli, bamwi bakali kubonaanga balakonzya kukomba Jehova kuswaanizya aleza wakubeja Bbaala. Jehova wakabelesya Eliya kuti abalulamike. Bala 1 Bami 18:21, mpawo musandule mubuzyo uutobela:

Niinzi nzibakeelede kusala maIsrayeli?

Mbuli maIsrayeli, andiswe tweelede kulisalila kuti ngwani ngutuyanda kukomba. Bala Luka 16:13, mpawo musandule mibuzyo iitobela:

Nkamboonzi nitweelede kukomba Jehova alikke?
Kujana twatondeezya biyeni kuti tukomba Jehova alikke?

4. Yeeyesesya atala ambakuyanda Jehova

Collage: Mwaalumi ulikuyeeyesesya atala azintu nzyaakapegwa aaJehova. 1. Luyando lulikukozyanisigwa aamwanakazi mbayanda mwanaakwe. 2. Chakulya chibotu chilikutondeezegwa aamichelo iisiyene-siyene. 3. Bbayibbele. 4. Chinunuzyo chaJesu Kristu.

Jehova utupede zipo zibotu zyiingi loko. Niinzi nzitukonzya kupa Jehova? Mweebele KAVIDIYO.

KAVIDIYO: Kupa Leza Zipo (3:04)

Nziizili zintu zitondeezya kuti Jehova ulakuyanda? Bala Intembauzyo 104:14, 15 a 1 Johane 4:9, 10, mpawo musandule mibuzyo iitobela:

Nziizili zipo Jehova nzyaakakupa nzuyandisya loko?
Zipo eezi zipa kuti umvwe biyeni atala anguwe?

Kuti twapegwa chipo nchituyanda loko, nga twamulumba muntu watupa. Bala Deuteronomo 16:17, mpawo musandule mubuzyo uutobela:

Kuyeeyesesya atala azintu Jehova nzyaakakuchitila kupa kuti uchiteenzi?

5. Kulipeda kweeta zilongezyo zyiingi

Bantu biingi babonaanga kuti bazibikana, bajana mulimu uulikabotu naakuti baba aamali nyingi balakonzya kubotelwa. Nisimpe na eeyi? Mweebele VIDIYO, mpawo musandule mibuzyo iitobela.

VIDIYO: Ndakali Kuponena Kuuma Bbola (5:45)

Collage: Chifanikisyo chavidiyo itii, ‘Ndakali Kuponena Kuuma Bbola.’ 1. Andrey wasaanguna lubo kwiiya Bbayibbele naazwaakuyeeyesesya atala akuti tuponenaanzi. 2. Andrey ulikukambawuka amwanaakwe.

Nikuba kuti mwaalumi ooyu wakali kuyandisya kuuma bbola, niinzi chakazoopa kuti asiye?
Wakasala kulipeda kuli Jehova kutali kubbola. Ubonaanga wakasala munzila iilikabotu na? Nkamboonzi?

Mwaapostolo Pawulu katanaba muKristu, wakali kuyiila mulimu ulaajulu. Wakali kuyiisigwa mulawu wamaJuda amuyiisi wakalaampuwo loko. Pesi wakazifutatila zyoonse eezi naakali kuyanda kuba muKristu. Pawulu wakalisola na akusala nkwaakachita? Bala Bafilipi 3:8, mpawo musandule mibuzyo iitobela:

Nkamboonzi Pawulu naakaamba kuti nzyaakali kuchita katanaba muKristu wakali “mulwi buyo wamafwuse” naakuti malabisi?
Wakajanaanzi?
Kuli chintu chiyandikana loko na nchukonzya kuchita mubuumi chiinda kukomba Jehova?

Collage: 1. Pawulu kachili muFarisi. 2. Pawulu kali waba mwaapostolo uusyomeka ulikulemba lugwalo luya kumaKristunyina. — Pawulu wakajana zintu ziyandikana loko naakaba muKristu kwiinda zintu nzyaakasweekelwa

BAMWI BAAMBA KUTI: “Tazikwe ndaba pe nikuba kuti teewalipeda kuli Leza.”

Ubonaanga nkamboonzi nikuyandikana kuti ulipede kuli Jehova?

CHIFWIINSYO

Kuyanda Jehova nkuko kupa kuti tulipede kulinguwe akubbabbatizigwa.

Mibuzyo Yakwiindulula

Nkamboonzi nikweelela kuti tuyande Jehova kazizwaansi aamoyo akuti tukombe nguwe alikke?
Nziizili zilongezyo nzibajana bantu babbabbatizidwe?
Ulayanda na kulipeda kuli Jehova?

Chiiyo eechi chakamana mu:

Nzweelede Kuchita

Chiindi wanoolibambila chiiyo chitobela, weelede kuzoobona zintu zikonzya kuzookukachizya kuti ulipede kuli Leza.

Zimwi nzukonzya kuchita:

Your other goal

YANDUULISISYA

Bona zyakagwasya umwi mwanakazi wakali mwiimbi amwaalumi wakali kuyandisya kuchijaana kuti balipede kuli Jehova.

Mibuzyo Yabachikula—Ndiyoochitaanzi Mubuumi Bwangu?—Zyakachitika Chiindi (6:54)

Bona tumwi twaambo tupa kuti ulipede kuli Jehova.

“Nkamboonzi Nweelede Kulipeda Kuli Jehova?” (Ngaziyakulinda, January 15, 2010)

Mulwiimbo lutobela, bona kubotelwa nkubajana bantu balipeda kuli Jehova.

Ndapa Buumi Bwangu Kulinduwe (4:30)

Muchiiyo chitii, “Ndakali Kukataazikana Kuti Tuponenaanzi?” bona chakagwasya umwi mwanakazi kuti achinche zintu nzyaakali kubikka mubusena bwakusaanguna.

“Bbayibbele Lilakonzya Kubachincha Bantu” (Ngaziyakulinda, November 1, 2012)