Wakalibambila Na Kuti Ubbabbatizigwe?

Kwiiya Bbayibbele nkwaakachita kwakakugwasya kuti wiiye zyiingi atala aJehova. Kulakonzeka kuti wakachincha maponeno aako kuti ubelesye zintu nzwaakayiya. Amwi kuchili zintu zilokukukachizya kuti ulipede kuli Jehova akuti ubbabbatizigwe. Muchiiyo eechi, tulabona zintu zikonzya kukukachizya kuti ubbabbatizigwe ambukonzya kuzizunda.

1. Weelede kuziba zintu zyiingi biyeni kuti weelele kubbabbatizigwa?

Kuti weelele kubbabbatizigwa weelede kuba “aluzyibo lwini-lwini lwakasimpe.” (1 Timoteyo 2:4) Eezi tazyaambi kuti weelede kukonzya kusandula kufumbwa mubuzyo wamuBbayibbele ngwaabuzigwa. Nikuba maKristu babaaminyaka myiingi kababbabbatizidwe kuli zintu nzibachiiya. (Bakolose 1:9, 10) Pesi weelede kuba aaluzibo atala anjiisyo zyamuBbayibbele. Baalu bamumbungano yanu bayookugwasya kubona kuti ulaalo na luzibo oolo.

2. Nziizili zintu nzweelede kuchita kutanabbabbatizigwa?

Kutanabbabbatizigwa weelede ‘kweempwa akusanduka.’ (Bala Milimo 3:19.) Eezi zyaamba kuti weelede kulisola akaambo kazibi nzwaakachita chiindi akukumbila Jehova kuti akulekelele. Alubo weelede kuzumanana kupona munzila iibotezya Leza akukaka michito iitali kabotu. Kuyungizya aalizeezi, weelede kunjila miswaangano yambungano akuba sikupupulula uutanabbabbatizigwa.

3. Nkamboonzi nuteelede kuzumizya kuyoowa kuti kukukachizye kubbabbatizigwa?

Bamwi balayoowa kababonaanga tabazookonzyi pe kuchita zintu nzibakasyomezya Jehova. Nisimpe, chimwi chiindi ulakonzya kulubizya mbuli mbubakachita bamwi baalumi abanakazi basyomeka baambidwe muBbayibbele. Jehova talangilili kuti bakombi bakwe bamaninine pe. (Bala Intembauzyo 103:13, 14.) Pesi ulabotelwa kuti wabeleka changuzu kuti umubotezye. Uyookugwasya. Jehova wakatusyomezya kuti taakwe chintu chikonzya “kutwaandaanya kuluyando” lwakwe.—Bala Baroma 8:38, 39.

YIYA ZYIINGI

4. Muzibe kabotu Jehova

Weelede kuziba zintu zyiingi biyeni atala aJehova kuti weelele kubbabbatizigwa? Weelede kumuyanda kazizwaansi amoyo akuchita zintu zimubotezya. Mweebele KAVIDIYO kuti ubone bantu baliikwiiya Bbayibbele munyika yoonse mbubaliikuzichita. Kuzwa waawo, musandule mubuzyo uutobela.

KAVIDIYO: Nzweelede Kuchita Kuti Ubbabbatizigwe (3:56)

• Bamwi bakachitaanzi kuti beelele kubbabbatizigwa?

Bala Baroma 12:2, mpawo musandule mibuzyo iitobela:

• Ulazisyoma na zyaambwa aaBbayibbele naakuti kusyoma kuti Bakamboni baJehova bayiisya kasimpe?

• Kuti kuzisyoma, niinzi nzweelede kuchita?

5. Zunda zintu zikonzya kukukachizya kuti ubbabbatizigwe

Kuli buyumu-yumu mbutukonzya kuswaana toonse kuti twalipeda kuli Jehova akubbabbatizigwa. Kuti ubone chikozyano, mweebele VIDIYO, mpawo musandule mubuzyo uutobela.

VIDIYO: Kuyanda Jehova Kupa Kuti Tuzunde Zilebyo (5:22)

• Niinzi nzyaakazunda Narangerel kuti asaangune kubelekela Jehova?

• Kuyanda Jehova kwakamugwasya biyeni kuti azunde zintu zyakali kumubweedezya musule?

Bala Tusimpi 29:25 a 2 Timoteyo 1:7, mpawo musandule mubuzyo uutobela:

• Niinzi chitupa chibindi chakuti tuzunde zintu zitulebya?

6. Syoma Jehova kuti ulakugwasya

Jehova uyookugwasya kuti uchite zintu zimubotezya. Mweebele KAVIDIYO, mpawo musandule mibuzyo iitobela.

KAVIDIYO: Jehova Uyookugwasya (2:50)

• Niinzi zyakali kukachizya mwaalumi wakali kwiiya Bbayibbele kuti abbabbatizigwe?

• Niinzi nzyaakayiya zyakamugwasya kuti abaalusyomo lusimide muli Jehova?

Bala Isaya 41:10, 13, mpawo musandule mubuzyo uutobela:

• Niinzi chikonzya kukugwasya kuti ubaachoonzyo chakuti uzookonzya kupona kweendelana akulipeda kwako?

7. Tondeezya kuti ulamulumba Jehova akaambo kakuti ulakuyanda

Kuti wayeeyesesya atala ambakuyanda Jehova ziyoopa kuti umulumbe akuti uyande kumubelekela kukabe kutamani. Bala Intembauzyo 40:5, mpawo musandule mubuzyo uutobela:

• Nziizili zilongezyo nzwaakapegwa aaJehova nzuyandisya loko?

Jeremiya wakali kumuyanda Jehova ajwi lyakwe alubo wakali kuchibona kachili chilongezyo kwiitwa aazina lyaJehova. Wakati: “Ijwi lyako lyakandipa kusekelela akukondwa mumoyo wangu, nkaambo ndiitwa azina lyako, O Jehova Leza.” (Jeremiya 15:16) Sandula mibuzyo iitobela:

• Nkamboonzi nichili chilongezyo kuba Kamboni waJehova?

• Ulayanda na kubbabbatizigwa kuti ube Kamboni waJehova?

• Kuli chintu na chilikukukachizya kuti ubbabbatizigwe?

• Ubonaanga weelede kuchitaanzi kuti weelele kubbabbatizigwa?

CHIFWIINSYO

Jehova ulakonzya kukugwasya kuti uzunde zintu zikonzya kukukachizya kuti ubbabbatizigwe.

Mibuzyo Yakwiindulula

• Weelede kuba aaluzibo lwamuBbayibbele luli biyeni kuti weelele kubbabbatizigwa?

• Nziizili zintu nzweelede kuchincha mubuumi kutanabbabbatizigwa?

• Nkamboonzi nuteelede kulekela kuyoowa kuti kukukachizye kubbabbatizigwa?

YANDUULISISYA

Bona twaambo tweelede kupa kuti usale kubbabbatizigwa.

“Uleelela Na Kubbabbatizigwa?” (Ngaziyakulinda, March 2020)

Bona mbukonzya kuzunda zintu zikonzya kukukachizya kuti ubbabbatizigwe.

“Niinzi Chindikachizya Kubbabbatizigwa?” (Ngaziyakulinda, March 2019)

Bona umwi mwaalumi mbaakazunda zintu zyakali kumukachizya kuti abbabbatizigwe.

‘Nkamboonzi Nulikunonoka Kubbabbatizigwa?’ (1:10)

Kumasaangunino, Ataa wakali kuyoowa kuti abbabbatizigwe. Bona kuti niinzi chakamugwasya kuti abweze ntaamu eeyi iiyandikana loko.

Ndileelela Na Kubbabbatizigwa? (7:21)