MaKristu Beelede Kuba Aamaboneno Aali Biyeni Atala Abukande?

Bantu balaamaboneno aasiyene-siyene atala abukande. Bamwi banywa bukande chiindi nibalikubotelwa abeenzinyina. Bamwi tabajati biya pe bukande. Bamwi balanywa kusikila bakolwa. Pesi Bbayibbele lityeni atala abukande?

1. Kunywa bukande nkubisya na?

Bbayibbele talikasyi pe kunywa bukande. Chiindi Bbayibbele nilyaambuula atala azintu zibotu nzitwakapegwa aaLeza lilaswaanizya abukande, lyaamba kuti: “Awaini uukkomanisya moyo wamuntu.” (Intembauzyo 104:14, 15) Kuli baalumi abanakazi basyomeka baambidwe muBbayibbele ambabo bakali kunywa bukande.—1 Timoteyo 5:23.

2. Ngaali malayilile aali muBbayibbele aalaatala akunywa bukande?

Jehova ulakuzonda kunywa bukande zyiindilide akukolwa. (Bagalatiya 5:21) Bbayibbele lyaamba kuti: “Utabi akati kabantu banywa kapati waini.” (Tusimpi 23:20) Kuti wasala kunywa bukande, nikuba kakutakwe bantu, weelede kubaachoonzyo chakuti utanywi zyiindilide naakuti kukolwa zikonzya kupa kuti waambuule akuchita zintu zitali kabotu naakuti kulichisa biya. Kuti kutakonzyi kulinyona kunkani zyabukande zilikabotu kuti ulekelaato kubunywa.

3. Kujana twatondeezya biyeni kuti tulakulemeka kusala kwabamwi kunkani yabukande?

Muntu umwi awumwi weelede kulisalila kunkani yakunywa bukande. Tatweelede kumusola pe muntu uunywa bukande chansayizi alubo tatweelede kusungilizya muntu uutanywi kuti anywe. (Baroma 14:10) Alubo tatweelede kunywa bukande pe kuti kakulebya bamwi. (Bala Baroma 14:21.) Umwi awumwi weelede “kugwasya bamwi ikutali buyo kuligwasya lwakwe mwini.”—Bala 1 Bakorinto 10:23, 24.

YIYA ZYIINGI

4. Lisalile nzuyanda atala ankani yabukande

Jesu wakali aamaboneno aali atala akunywa bukande? Kuti tujane nsandulo, atulange-lange chigambyo chakwe chakusaanguna. Bala Johane 2:1-11, mpawo musandule mibuzyo iitobela:

• Chigambyo eechi, chitondeezya kuti Jesu ulaamaboneno aalibiyeni atala abukande kuswaanizya abaabo banywa?

• Mbukunga Jesu wakali aamaboneno aalikabotu atala abukande, tweelede kubabona biyeni bakombima basala kunywa?

Nikuba kuti maKristu balaangunukide kunywa bukande, pesi tazyaambi kuti beelede kunywa mbuli mbubayanda pe. Bala Tusimpi 22:3, mpawo mubone kuti kuleelela na kunywa muzyiimo zitobela naakuti pe:

• Chiindi nuyanda kudilayiva naakuti kubelesya umwi munchina.

• Kuti kulaada.

• Kuti dokotela wakubuzya kuti uleke kunywa bukande.

• Kuti kutakonzyi kulinyona kunkani yabukande.

• Kuti mulawu kutakuzumizyi kuti unywe.

• Kuti kulaamuntu wakali aapenzi lyakunywa bukande zyiindilide.

Weelede kuula bukande na kumichado naakuti kulaamwi mapobwe? Kuti ubone zikonzya kukugwasya kuti usale kabotu mweebele KAVIDIYO.

KAVIDIYO: Ndeelede Kubapa Bukande Na Bantu? (2:41)

Bala Baroma 13:13 a 1 Bakorinto 10:31, 32. Nimwamana kubala lugwalo lumwi alumwi, musandule mubuzyo uutobela:

• Kujana kwakugwasya biyeni kubelesya malayilile aaya kuti usale munzila iibotezya Jehova?

5. Ziba mpuyelede kujinkila kukunywa bukande

Kuti wasala kunywa bukande, weelede kuziba kuti Jehova takasyi pe kunywa bukande pesi uzonda kunywa zyiindilide. Nkamboonzi? Bala Hosea 4:11, 18, mpawo musandule mubuzyo uutobela:

• Niinzi zikonzya kuchitika kuti muntu wanywa bukande zyiindilide?

Kujana twachita biyeni kuti tutanywi bukande zyiindilide? Tweelede kulinyona akuziba mputugolela. Bala Tusimpi 11:2, mpawo musandule mubuzyo uutobela:

• Nkamboonzi nikuyandikana kulibikkila migaanu kunkani yakunywa bukande?

6. Zunda penzi lyakunywa bukande zyiindilide

VIDIYO: Teendakachili Kwiiyanda Pe Nzila Njindakali Kuponaayo (6:32)

• Bukande bwakali kupa kuti Dmitry achiteenzi?

• Wakabukaakulizunda na penzi lyakunywa bukande?

• Niinzi chakazoomugwasya kuti azunde penzi eeli?

Bala 1 Bakorinto 6:10, 11, mpawo musandule mibuzyo iitobela:

• Kukolwa nchibi chipati biyeni?

• Niinzi chitondeezya kuti muntu uunywa bukande zyiindilide ulakonzya kuchincha?

Bala Matayo 5:30, mpawo musandule mubuzyo uutobela:

• Kudyunkula kuboko munzila yakukozyanisya kwaamba kuliimya kuchita zimwi zintu kuti tubotezye Jehova. Niinzi nzweelede kuchita kuti kulaapenzi lyakunywa bukande zyiindilide?a

Bala 1 Bakorinto 15:33, mpawo musandule mubuzyo uutobela:

• Nkamboonzi nitweelede kubikkila maanu kubeenzuma mbitusala?

CHIFWIINSYO

Jehova wakatupa bukande kuti tubotelwe pesi ulakuzonda kunywa bukande zyiindilide akukolwa.

Mibuzyo Yakwiindulula

• Bbayibbele lityeni atala abukande?

• Niinzi zikonzya kuchitika kuti wanywa bukande zyiindilide?

• Kujana twatondeezya biyeni kuti tulakulemeka kusala kwabamwi atala akunywa bukande?

YANDUULISISYA

Kujana bachikula bachita biyeni kuti basale munzila iilikabotu kunkani yabukande?

Yeeya Zikonzya Kuchitika Kuti Wanywa Zyiindilide (2:31)

Bona zintu nzweelede kuchita kuti uzunde penzi lyakunywa bukande zyiindilide.

“Kuba Aamaboneno Aalikabotu Atala Abukande” (Ngaziyakulinda, January 1, 2010)

MaKristu beelede kuguuntania magilazi aabukande na?

“Mibuzyo Yabasikubala” (Ngaziyakulinda, February 15, 2007)

Bona umwi mwaalumi mbaakazunda penzi lyakunywa bukande zyiindilide, muchiiyo chitii, “Ndakali Chankolwa.”

“Bbayibbele Lilakonzya Kubachincha Bantu” (Ngaziyakulinda, May 1, 2012)