Gwasilizya Mumbungano Yanu

Mamiliyoni aabantu balabotelwa kukomba Jehova kabali mumbungano zyiingi munyika yoonse. Batobela malayilile ngibapegwa alubo bagwasilizya mbungano muzintu zisiyene-siyene. Ulagwasilizya na anduwe mumbungano yanu?

1. Kujana wachibelesya biyeni chiindi amanguzu aako kuti ugwasilizye mumbungano?

Toonse tulakonzya kugwasilizya mumbungano. Muchikozyano, mumbungano yanu kuli bachembeede na naakuti balemene? Kujana wabagwasya na kuti baye kumiswaangano? Kujana wabachitila zimwi zintu na mbuli kubawulila zintu nzibayanda naakuti kubachitila milimu yaang’anda? (Bala Jakobo 1:27.) Alubo tulakonzya kulipeda kusalazya naakuti kubambulula Maanda aaBwaami. Taakwe muntu uutusinikizya kuti tuchite zintu eezi. Kuyanda Jehova abakombima nkuko kupa kuti ‘tulyaabe cakuliyandila.’—Intembauzyo 110:3.

Basikupupulula babbabbatizidwe balakonzya kugwasilizya mbungano munzila zisiyene-siyene. Bakwesu basimide mubukombi beelela ngabasalwa kuti babe babelesi babelekela mpawo mukuya kwachiindi ngabazooba baalu. Bakwesu abachizi balakonzya kuyungizya mulimu wabo wakukambawuka kwiinda mukuba mapayona. Bamwi Bakamboni balakonzya kugwasilizya mukuyaka masena aakukombela naakuti kulongela kumbungano ziyanda basikugwasilizya.

2. Kujana twazibelesya biyeni zintu nzitulaazyo kuti tugwasilizye mumbungano?

Tulakonzya ‘kulemeka Jehova azintu zyesu ziyandisi.’ (Tusimpi 3:9) Tuchibona kachili chilongezyo kusanga mali azintu nzitulaazyo kuti tugwasilizye mumbungano yesu amumulimu wakukambawuka uuchitwa munyika yoonse. (Bala 2 Bakorinto 9:7.) Zintu nzitusanga zilabelesegwa mukugwasilizya bantu bachitikilwa mapenzi. Bamwi nga basala ‘kubikka chimwi chintu aambali’ kuti bakonzye kusanga. (Bala 1 Bakorinto 16:2.) Tulakonzya kusanga katubelesya tubbokesi tuli mumasena eesu aakukombela. Jehova wakatupa mweenya wakuti tutondeezye kuti tulamuyanda kwiinda munzila njituzibelesyaayo zintu zyesu.

YIYA ZYIINGI

3. Tulakonzya kubelesya zintu nzitulaazyo

Jehova aJesu bayanda bantu bapa kazizwaansi aamoyo. Muchikozyano, Jesu wakabona kubeleka changuzu nkwaakachita mukamufu uufwaba kuti akonzye kusanga. Bala Luka 21:1-4, mpawo musandule mibuzyo iitobela:

• Tweelede kusanga zintu zyiingi na kuti tubotezye Jehova?

• Jehova aJesu bamvwa biyeni kuti twasanga kazizwaansi aamoyo?

Kuti ubone kuti zintu nzitusanga zibelesegwa biyeni, mweebele KAVIDIYO. Kuzwa waawo, musandule mubuzyo uutobela.

KAVIDIYO: ‘Kupa Jehova’ (4:47)

• Nzitusanga zibelesegwa biyeni kuti zigwasye mbungano zili munyika yoonse?

4. Tulakonzya kulipeda kugwasilizya

Chiindi, bakombi baJehova bakali basungu mukubambulula masena aabo aakukombela. Pesi bakali kuchita zyiingi kutali kusanga mali luzutu. Bala 2 Makani 34:9-11, mpawo musandule mubuzyo uutobela:

• MuIsrayeli umwi awumwi wakali kuchita biyeni kuti agwasilizye aang’anda yaJehova naakuti aabusena bwakukombela?

Kuti ubone kuti Bakamboni baJehova bachitobelezya biyeni chikozyano chamaIsrayeli, mweebele KAVIDIYO. Kuzwa waawo, musandule mibuzyo iitobela.

KAVIDIYO: Kulangania Masena Ngitukombela (3:31)

• Nkamboonzi nikuyandikana kuti tukkale katusalazya Ng’anda yaBwaami akwiibambulula?

• Kujana wagwasilizya biyeni?

5. Bakwesu balakonzya kubelekela kuchita zyiingi mumbungano

Magwalo asungwaazya bakwesu kuti babeleke changuzu kuti bagwasilizye mbungano. Kuti ubone chikozyano chimwi, mweebele VIDIYO. Kuzwa waawo, musandule mubuzyo uutobela.

VIDIYO: Bakwesu—Amubelekele Kuchita Milimu Mibotu (5:19)

• Niinzi nzyaakachita Ryan kuti ayelele kuchita milimu myiingi mumbungano?

Bbayibbele lipandulula zyeelelo nzibeelede kusisya bakwesu kuti babeleke kabali babelesi babelekela abaalu. Bala 1 Timoteyo 3:1-13, mpawo musandule mibuzyo iitobela:

• Niinzi nzibeelede kuchita bakwesu kuti beelele kuba babelesi babelekela abaalu?

• Niinzi nzibeelede kuchita bamumpuli zyabo?—Langa vesi 4 a 11.

• Kuti bakwesu babeleka changuzu kuti basisye zyeelelo eezi, mbungano nga yagwasigwa biyeni?

CHIFWIINSYO

Jehova ulabotelwa kuti twabelesya chiindi, manguzu azintu nzitulaazyo kuti tugwasilizye mbungano.

Mibuzyo Yakwiindulula

• Kujana twachibelesya biyeni chiindi amanguzu eesu kuti tugwasilizye mbungano?

• Kujana twazibelesya biyeni zintu nzitulaazyo kuti tugwasilizye mbungano?

• Njiili nzila njukonzya kubelesya kuti ugwasilizye mbungano?

YANDUULISISYA

Bona kuti nkamboonzi Leza natachiyandi kuti bakombi bakwe bagwisye chakkumi.

“Bbayibbele Lityeni Atala Achakkumi?” (Chiiyo chijanika aaIntaneti)

Bona kuti chaambaanzi kubelekela kuba aazyakuchita zyiingi mumbungano.

“Ulikubelekela Kuchita Zyiingi Na?” (Ngaziyakulinda, September 15, 2014)

Bona bamwi Bakamboni mbubakalipeda kuti batolele bakombinyina mabbuku.

Mbubajana Mabbuku kuCongo (4:25)

Bona kuti twiijana kuli mali iigwasilizya mulimu wesu.

“Bakamboni baJehova Bayijana Kuli Mali Iigwasilizya Mulimu Wabo?” (Chiiyo chijanika aaIntaneti)