Kulisimya Nutajatwi Kabotu

Bala Matalikilo 37:​23-​28; 39:⁠17-​23 kuti wiiye Josefa mbakalisimya naakatali kujatwa kabotu.

Langa-langa makani aazyungulukide nkani njulikubala. Niinzi zyakapa kuti Josefa atajatwi kabotu? (Matl. 37:​3-​11; 39:​1, 6-​10) Josefa wakatola chiindi chilamfu biyeni kali kulisimya chiindi naakatali kujatwa kabotu? (Matl. 37:⁠2; 41:​46) Aachiindi eecho, niinzi Jehova nzyaakachitila Josefa, alubo niinzi nzyaakatamuchitila?​—⁠Matl. 39:​2, 21; w23.01 17 ¶13.

Yanduulisisya. Nikuba kuti mwanakazi waPotifara wakaamba makani aakubeja atala aJosefa, Bbayibbili talyaambi pe kuti Josefa wakakazya nzyaakaamba mwanakazi ooyu. Magwalo aatobela kujana atugwasya biyeni kuti tubone kuti nkamboonzi Josefa naakasala kuumuna, naakuti nkamboonzi nituteelede kulangilila kuti tubuzigwe zintu zyoonse zyakachitika? (Tus. 20:⁠2; Joh. 21:​25; Mil. 21:​37) Mbuubuli buntu bwakagwasya Josefa kuti alisimye?​—⁠Mik. 7:⁠7; Lk. 14:​11; Jak. 1 1:​2, 3.

Yanduula zyiiyo zili atala azintu nzulikubala. Libuzye kuti:

• ‘Nkuukuli kutajatwa kabotu nkundilangilila akaambo kakuti ndili mutobeli waJesu?’ (Lk. 21:​12, 16, 17; Heb. 10:​33, 34)

• ‘Niinzi nzindeelede kuchita lino zikonzya kundigwasya kuti ndilisimye nindatajatwa kabotu?’ (Int. 62:​7, 8; 105:​17-​19; w19.07 2-7)