LAIBBULALI YAA INTANETI ya Watchower

LAIBBULALI YAA INTANETI ya Watchower

LAIBBULALI YAA INTANETI

Intembauzyo 102:25

Bbaibbele lya Busanduluzi Bwanyika Mpya
- 25 Kaindi yebo wakabikka ntalisyo yanyika,
  Alimwi majulu milimo yamaanza aako.+

Isaya 42:5

Bbaibbele lya Busanduluzi Bwanyika Mpya
- 5 Mboobu mbwaamba Leza mwini-mwini, Jehova,
  Mulengi wamajulu alimwi Ooyo Mupati wakaatandabula,+
  Ooyo wakayala nyika azintu zizwa mulinjiyo,+
  Ooyo uupa muya kubantu bakkala alinjiyo+
  Alimwi amuuya kulibaabo beendeenda alinjiyo:+

Isaya 45:18

Bbaibbele lya Busanduluzi Bwanyika Mpya
- 18 Nkaambo mboobu mbwaamba Jehova,
  Mulengi wamajulu,+ Leza mwini-mwini,
  Ooyo wakabumba nyika, iwakaipanga akwiikkazikizya,+
  Ooyo watakailenga buyo kakunyina kaambo,* pele iwakaibumba kutegwa kaikkalwa bantu:+
  
  “Ndime Jehova, kunyina uumbi pe.

Baroma 1:20

Bbaibbele lya Busanduluzi Bwanyika Mpya
- 20 Nkaambo bube bwakwe butalibonyi bulalibonya caantangalala kuzwa ciindi naakalenga nyika kuyakumbele, nkaambo bulabonwa muzintu nzyalengede,+ noziba nguzu zyakwe zitamani+ akuti ngu Leza ncobeni,+ cakuti tabajisi cilitamizyo pe.

Bahebrayo 1:10

Bbaibbele lya Busanduluzi Bwanyika Mpya
- 10 Alimwi waamba kuti: “O Mwami, kumatalikilo nduwe wakabikka ntalisyo yanyika, alimwi majulu milimo yamaanza aako.

Ciyubunuzyo 4:11

Bbaibbele lya Busanduluzi Bwanyika Mpya
- 11 “Uleelela, Jehova,* O Leza wesu, ikutambula bulemu+ alulemeko+ alimwi anguzu,+ nkaambo nduwe wakalenga zintu zyoonse,+ alimwi akaambo kakuyanda kwako zyakabako alimwi zyakalengwa.”

Ciyubunuzyo 10:6

Bbaibbele lya Busanduluzi Bwanyika Mpya
- 6 eelyo wakakonka muzina lyayooyo uupona lyoonse mane kukabe kutamani,+ ooyo wakalenga julu azintu zili mumo alimwi anyika azintu zili mumo alimwi alwizi azintu zili mumo, ikuti:+ “Kunyina limbi nokutiibe kumuka.