22 Kuzwa waawo wakasuma jansi lisamwa kunsi aakabaki kabupaizi ikubelesya buyo ntali yamubala wajulu.+ 23 Insingo yajansi eeli yakali akati mbuli yacibaki cankondo. Yakajisi moombe kutegwa itayauki. 24 Kumane mumoombe walyo waansi bakasuma mapomegranite aantali yamubala wajulu, boya bwambelele bwamubala wacisombo amilembo iisalala pyu, bakailuka antoomwe. 25 Alimwi bakapanga tulangu twangolida iisalalisya akutubikka akati kamapomegranite kumoombe woonse wajansi lifwaafwi; 26 Bakazitobelanya mumoombe woonse wajansi lifwaafwi lyakubelesya mumilimo, kalangu kangolida apomegranite, kalangu kangolida apomegranite, mbubonya Jehova mbwaakalailila Musa.

7 Mpoonya wakasamika Aroni cisani camilembo mibotu myuuba-uba,+ wamwaanga lutambo+ mucibuno, wamusamika jansi,+ kabaki kabupaizi+ alimwi akumwaanga lutambo* lulukidwe+ lwakukabaki kuti kakkale kabotu.