49 Ikutegwa aisalazye ŋanda kubusofwaazi,* weelede kubweza bayuni bobilo, kasamu kakkedari, katambo kasalala pyu alimwi ahisopo.+ 50 Weelede kujaya muyuni omwe atala aanongo iijisi maanzi aamumulonga. 51 Eelyo uyoobweza kasamu kakkedari, hisopo, katambo kasalala pyu amuyuni iwasyaala akuzinyika mubulowa bwamuyuni iwajaigwa atala aamaanzi aamumulonga, mpoonya uyoosansaila ŋanda eeyo ziindi zili ciloba.+ 52 Lino uyakwiisalazya ŋanda kubusofwaazi* kubelesya bulowa bwamuyuni, maanzi aamumulonga, muyuni iwasyaala, kasamu kakkedari, hisopo alimwi akatambo kasalala pyu. 53 Kumane uyoolekezya muyuni wasyaala kuti aulukile musyokwe kunze aamunzi aboobo uyoomanya milandu yaŋanda eeyo, eelyo iyoosalala.

6 Lino mupaizi uyoobweza cisamu cakkedari, hisopo+ akatambo kasalala pyu akuzisowela mumulilo oomo moyumpilwa ŋombe eeyo.

9 “‘Imwaalumi uusalala uyooyola mulota waŋombe+ eeyo akuubikka mubusena busalala anze aankambi, alimwi weelede kuyobolwa kutegwa mbungano yabana Israyeli kayuubelesya kubikka mumaanzi aakusalazya.+ Ncituuzyo cazibi.