6 Alimwi ino nguni uukonzya kuba anguzu zyakumuyakila ŋanda? Nkaambo majulu alimwi mujulu lyamajulu takonzyi kukkwana,+ aboobo ino mebo ndime ni kuti ndimuyakile ŋanda? Cilikke ncondikonzya kumuyakila mbusena bwakuuntumwida busi bwazipaizyo kulinguwe.

18 “Pele sena masimpe Leza inga wakkala abantu anyika?+ Bona! Naaba majulu, inzya, mujulu lyamajulu tokonzyi kukkwana;+ aboobo sena inga wakkwana muŋanda eeyi njindayaka?+ 19 Lino koswiilila mupailo wangu ndemubelesi wako akulomba kwangu kwakuti undifwide luzyalo, O Jehova Leza wangu, alimwi koswiilila kulila kwangu kwakukombelezya kuti ndigwasyigwe amupailo ooyu ngondipaila sunu kulinduwe ndemubelesi wako. 20 Meso aako kaalangide kuŋanda eeyi syikati amasiku ibusena mbookaamba kuti uyoobikka zina lyako,+ kutegwa uswiilile mupailo wamubelesi wako ngwapaila kalangide kubusena oobu. 21 Alimwi koswiilila mupailo wamubelesi wako wakulomba lugwasyo alimwi akulomba kwabantu bako bana Israyeli nobakomba kujatikizya busena oobu,+ uswiilile kuzwa kubusena bwako ooko nkokkala, nkokuti kujulu;+ inzya, uswiilile akulekelela.+

6 “Yebo olikke Jehova;+ nduwe wakalenga julu, noliba julu lyamajulu, amakamu oonse aali mumo, nyika azyoonse zili alinjiyo, lwizi azyoonse zili mumo. Nduwe upa kuti zyoonse kazipona, alimwi makamu aakujulu alakukotamina.

24 Leza iwakalenga nyika azintu zyoonse zili mumo, mbwaanga ngo Mwami wakujulu aanyika,+ takkali mumatempele aakayakwa amaanza;+