17 Mpoonya bamakaintu basimukobonyina bakamuulika zina. Bakati, “Naomi wazyalilwa mwana musankwa,” alimwi bakamuulika kuti Obedi.+ Ngousyi Jese,+ usyi Davida.

14 Pele lino bwami bwako tabukazumanani pe.+ Jehova uyoolijanina imwaalumi weendelana amoyo wakwe,+ eelyo Jehova uyoomubikka kuba mweendelezi wabantu bakwe,+ nkaambo yebo tiiwatobela ncaakakulailila Jehova.”+

27 Lino Samuele naakavwuuluka kuti aunke, Saulo wakajata moombe wajansi lyakwe, pele lyakazapuka. 28 Kumane Samuele wakamwaambila kuti: “Jehova sunu wazapula bwami bwa Israyeli kuzwa kulinduwe, alimwi uyoobupa kuli umwi wabeenzinyoko uuli kabotu kwiinda nduwe.+

3 Aboobo baalu bana Israyeli boonse bakaboola kumwami ku Hebroni, eelyo Mwami Davida wakapanga cizuminano ambabo+ ku Hebroni kubusyu bwa Jehova. Mpoonya Davida bakamunanika kuba mwami wa Israyeli.+