9 Aboobo buzuba oobo Davida wakamuyoowa Jehova+ akwaamba kuti: “Ino Bbokesi lya Jehova inga lyaletwa buti kulindime?”+ 10 Davida tanaakayanda kuti Bbokesi lya Jehova litolwe kulinguwe ku Munzi wa Davida.+ Muciindi caboobo wakalailila kuti litolwe kuŋanda ya Obedi-edomu+ muna Gati.

11 Lino Bbokesi lya Jehova lyakakkala kuŋanda ya Obedi-edomu muna Gati kwamyezi yotatwe, eelyo Jehova wakazumanana kumulongezya Obedi-edomu alimwi amukwasyi wakwe woonse.+