• Intembauzyo 15:1-5
    Bbaibbele lya Busanduluzi Bwanyika Mpya

    • 15 O Jehova, ino nguni uukonzya kuba mweenzu mutente lyako?

      Ino nguni uukonzya kukkala mucilundu cako cisalala?+

       2 Nguyooyo weenda kanyina kampenda,*+

      Uucita zintu ziluleme+

      Alimwi iwaamba masimpe mumoyo wakwe.+

       3 Kunyina nabejelezya muntu amulaka wakwe,+

      Kunyina nacitila mweenzinyina cintu cibi,+

      Alimwi kunyina nasampaula* beenzinyina.+

       4 Ulamukaka muntu uuli woonse uusesemya,+

      Pele ulabalemeka aabo ibayoowa Jehova.

      Tacinci mizeezo ikuti wasyomezya,* nokuba kuti zintu tiizyamweendela kabotu.+

       5 Kunyina napa mali aakwe kumwi kalangila cinyonamucila,+

      Alimwi kunyina natambula cisinkamulomo kuti abisizye muntu uunyina mulandu.+

      Kufwumbwa uucita zintu eezyi takazungaanizyigwi pe.+

  • Intembauzyo 84:1-4
    Bbaibbele lya Busanduluzi Bwanyika Mpya

    • 84 Eelo kaka ndibotu* tente lyako lipati lyakukombela,+

      O Jehova wamakamu!

       2 Moyo wangu uliyandide kapati,

      Inzya, ndagonkelwa akaambo kakuyeeya,

      Mabuwa aa Jehova.+

      Moyo wangu amubili wangu ziloongolola cakukondwa kuli Leza muumi.

       3 Nokaba kayuni kalijanina ŋanda ooko

      Akalo kamembya kalibambila citeente,

      Mokalanganizyila bana bankako

      Munsi-munsi acipaililo cako cipati, O Jehova wamakamu,

      O Mwami wangu alimwi O Leza wangu!

       4 Balikkomene aabo bakkala muŋanda yako!+

      Baluujisi kukutembaula.+ (Sela)