10 Mpoonya wakati: “Ndakusungwaalila cakumaninina O Jehova Leza wamakamu;+ akaambo kakuti bana Israyeli basiya cizuminano cako,+ zipaililo zyako bazimwaya alimwi bajaya basinsimi bako apanga,+ aboobo ndasyaala buyo endikke. Lino balandiyandaula kuti bandijaye.”+

12 Mpoonya Jesu wakanjila mutempele akubatandila anze boonse aabo ibakali kusambala akuula mutempele, alimwi wakatingamuna matebulu aabasikucinca mali azyuuno zyabaabo ibakali kusambala nkwilimba.+ 13 Alimwi wakabaambila kuti: “Kulilembedwe kuti, ‘Ŋanda yangu inakwiitwa kuti niŋanda yakukombela,’+ pele nywebo mwaicita kuba ciyubilo cababbi.”+

15 Lino bakaboola ku Jerusalemu. Ooko wakanjila mutempele akutalika kubatandila anze aabo ibakali kusambala akuula mutempele, alimwi wakatingamuna matebulu aabasikucinca mali azyuuno zyabaabo ibakali kusambala nkwilimba,+ 16 alimwi kunyina muntu ngwaakalekela kwiinzya cintu mulubuwa lwatempele. 17 Wakali kuyiisya akubaambila kuti: “Sena takulembedwe kuti: ‘Ŋanda yangu inakwiitwa kuti niŋanda yakukombela yazisi zyoonse’?+ Pele nywebo mwaicita kuba ciyubilo cababbi.”+

13 Lino Pobwe Lyakwiindilila+ lyaba Juda lyakali afwaafwi, eelyo Jesu wakaunka ku Jerusalemu. 14 Mutempele wakajana bantu ibakali kusambala ŋombe, mbelele, nkwilimba+ alimwi abasikucinca mali kabakkede muzyuuno zyabo. 15 Aboobo naakamana kupanga nswepu yantambo, wakabatanda boonse aabo bakajisi mbelele aŋombe mutempele, alimwi wakawuumuna makkobili aabasikucinca mali akutingamuna matebulu aabo.+ 16 Alimwi wakaambila baabo bakali kusambala nkwilimba kuti: “Amuzigusye omuno zintu eezyi! Amuleke kucita ŋanda ya Taata kuba ŋanda yamakwebo!”*+ 17 Basikwiiya bakwe bakaibaluka kuti kulilembedwe kuti: “Busungu bwakuŋanda yako buyoondilya cakumaninina.”+