19 “Lino amulembe lwiimbo oolu+ akubayiisya ndulo bana Israyeli.+ Mubagwasye kuti baluzyibe kabotu kutegwa kalubayeezya cicitika ikuti naa baleka kumvwida Leza.+

5 eelyo Joshua wakati kulimbabo: “Amwiinde kumbele lya Bbokesi lya Jehova Leza wanu akati ka Jordano, umwi aumwi wanu abweze bbwe lyomwe agwezyo lyakwe, kweelana amweelwe wamisyobo yabana Israyeli, 6 kutegwa abe citondezyo akati kanu. Ikuti naa kumbele bana banu bakamubuzye kuti, ‘Ino mabwe aaya aamba nzi?’+ 7 mweelede kuyoobaambila kuti: ‘Nkaambo maanzi aa Jordano akaima kumbele lyabbokesi+ lyacizuminano ca Jehova. Nolyakainda mu Jordano maanzi akaima. Mabwe aaya ayooba ciibalusyo* kubana Israyeli lyoonse.’”+