• Tusimpi 7:14-21
    Bbaibbele lya Busanduluzi Bwanyika Mpya

    •  14 “Ndajisi mulimo wakupa zipaizyo zyalumvwano.+

      Sunu ndazuzikizya zikonke zyangu.

       15 Ncindazwida buya anze kuti ndiswaangane anduwe,

      Kuti ndikuyandaule, eelyo cabota ndakujana!

       16 Bulo bwangu ndabuyala azyakulivwumbya zibotu,

      Amilembo mibotu yaku Egepita.+

       17 Bulo bwangu ndabusansaila tununkilizyo twamuro, aloye alimwi asinamoni.+

       18 Koboola, tukkute luyando kusikila mane kuce;

      Atulikkomanisye amisobano yaluyando,

       19 Nkaambo mulumaangu tako kuŋanda pe;

      Uli mulweendo lwamusinzo mulamfwu.

       20 Watolelezya ankomo yamali,

      Takajoki kusikila mane ukakkwane mwezi.”

       21 Mukaintu ooyu wamweena amajwi manji aatola moyo.+

      Wamoongelezya amajwi aabucenjezu.