30 Imwami wakali kwaamba kuti: “Sena munzi ooyu tauli Babuloni Mupati, mebo lwangu ngondakayaka kuti ube ŋanda yamwami anguzu zyangu zinji alimwi akuti ube bulemu bwabweendelezi bwangu?”

31 Lino mwami naakacili kwaambaula, kwakazwa jwi kujulu ilyakaamba kuti: “Yebo O Mwami Nebukadinezara waambilwa kuti, ‘Bwami bwazwa mumaanza aako,+ 32 balakutanda kuzwa akati kabantu. Unookkala abanyama bamusyokwe, uyoopegwa bwizu kuti kolya mbubonya mbuli ŋombe, alimwi ziindi zili ciloba ziyakumanina aalinduwe, kusikila mane ukazyibe kuti Mupatikampatila ngo Mweendelezi weendelezya mubwami bwabantu, alimwi akuti bwalo ulabupa kufwumbwa ngwayanda.’”+