16 Lino Davida naakamana kwaamba majwi aaya kulinguwe, Saulo wakati: “Sena ndijwi lyako eeli mwanaangu Davida?”+ Eelyo Saulo wakatalika koongolola kulila. 17 Wakati kuli Davida: “Yebo uliluleme kapati kwiinda ndime, nkaambo wandicitila bubotu, pele mebo ndakucitila bubi.+ 18 Masimpe, sunu watondezya bubotu kulindime mukuti Jehova walindaabide mumaanza aako pele tiiwandijaya pe.+

21 Kumane Saulo wakati: “Ndabisya.+ Piluka mwanaangu Davida, tandikakucitili cintu cibi alimwi, nkaambo buumi bwangu mbuyandisi kulinduwe+ asunu. Inzya, ndacita cabufwubafwuba alimwi ndalubizya kapati.”