9 Kuzwa waawo alimwi wakalota ciloto acimbi, eelyo wakabalwiida banabokwabo ulaamba: “Ndalota ciloto acimbi. Muciloto eeci zuba amwezi anyenyeezi zili 11 zyali kundikotamina.”+ 10 Mpoonya wakabalwiida bausyi alimwi abanabokwabo, aboobo bausyi bakamukalalila akumwaambila kuti: “Ino caamba nzi ciloto cako eeci? Sena mebo abanyoko abanabokwanu mubwini tuyooboola akukukotamina ansi?” 11 Lino banabokwabo bakamufwida munyono,+ pele bausyi bakaayobola majwi aayo mumoyo.

5 Pele ba Juda bakaba amunyono,+ eelyo bakabunganya baalumi bamwi babyaabi ibakali kwiingaila amusika eelyo bakapanga nkamu akutalika kunyonganya munzi. Bakanjila muŋanda ya Jasoni kabayandaula Paulo a Sila kutegwa babalete kunkamu yabantu.