LAIBBULALI YAA INTANETI ya Watchower

LAIBBULALI YAA INTANETI ya Watchower

LAIBBULALI YAA INTANETI

Kulonga 34:6

Bbaibbele lya Busanduluzi Bwanyika Mpya
- 6 Eelyo Jehova wakainda kumbele lyakwe akulyaambilizya kuti: “Jehova, Jehova, Leza siluse+ alimwi silweetelelo,*+ uutafwambaani kukalala+ alimwi uuzwide luyando+ lutamani akasimpe,*+

Myeelwe 14:18

Bbaibbele lya Busanduluzi Bwanyika Mpya
- 18 ‘Jehova, uutafwambi kukalala alimwi uuzwide luyando lutamani,+ uulekelela milandu azibi, nokuba boobo aabo babisya tabaleki buyo katabasubuli, uuleta cisubulo kubana, bazyukulu abazyukululwa akaambo kacibi cabamausyi.’+

Nehemiya 9:17

Bbaibbele lya Busanduluzi Bwanyika Mpya
- 17 Bakakaka kuswiilila+ alimwi kunyina nobakaiyeeya milimo yako iilibedelede njookacita akati kabo, pele bakaba basicinguni* akusala musololi kuti bapiluke mubuzike bwabo ku Egepita.+ Nokuba boobo, yebo nduwe Leza uulibambilide kulekelela,* silweetelelo* alimwi siluse, uutafwambaani kukalala alimwi uuzwide luyando lutamani,+ aboobo taakwe nookabasiya pe.+

Intembauzyo 106:44, 45

Bbaibbele lya Busanduluzi Bwanyika Mpya
- 44 Nokuba boobo wakali kwaabona mapenzi aabo+
  Akumvwa kukwiila kwabo nibakali kukwiilila lugwasyo.+
  
  45 Kutegwa abagwasye wakali kwiibaluka cizuminano cakwe,
  Alimwi wakali kweetezyegwa,* akaambo kaluyando lwakwe lutamani lupati.+

Mika 7:18, 19

Bbaibbele lya Busanduluzi Bwanyika Mpya
- 18 Ino nguni Leza uuli mbuli nduwe,
  Uujatila milandu akulekelela nsotoko+ zyabasyeede balukono lwakwe?+
  
  Yebo tozumanani kukalala mane kukabe kutamani,
  Nkaambo ulalukkomanina luyando lutamani.+
  
  19 Yebo uyootufwida luse alimwi;+ milandu yesu uyakwiimanizya.*
  
  Alimwi zibi zyesu zyoonse uyoozisowela mumpisi zyalwizi.+