16 Pele eeci ncencico cakaambwa kwiinda mumusinsimi Joeli kuti: 17 Leza waamba kuti, ‘“Kumazuba aakumamanino, ndiyootila muuya wangu amuntu uuli woonse, eelyo bana banu basankwa abasimbi bayoosinsima abalombwana banu bayoobona zilengaano abalo bamadaala akati kanu bayoolota ziloto,+ 18 alimwi naaba abazike bangu basankwa abasimbi ndiyootila muuya wangu mumazuba aayo, eelyo bayoosinsima.+