17 Lino naakali kuya ku Jerusalemu, Jesu wakatola basikwiiya bakwe bali 12 kumbali eelyo kabali munzila wakabaambila kuti:+ 18 “Amubone! Tuunka ku Jerusalemu, eelyo Mwanaamuntu uyakwaabwa kuli basilutwe babapaizi abalembi. Bayoomupa mulandu wakuti ajaigwe+ 19 akumwaaba kubantu bamasi kuti bakamusampaule akumukwibbaula akumujaya aacisamu;+ mpoonya mubuzuba bwatatu uyoobusyigwa.”+

31 Alimwi wakatalika kubayiisya kuti Mwanaamuntu weelede kwiinda mumapenzi manji akukakwa abaalu, basilutwe babapaizi abalembi akuti uyoojaigwa+ akubuka kwaakwiinda mazuba otatwe.+

31 Wakali kuyiisya basikwiiya bakwe akubaambila kuti: “Mwanaamuntu uyakwaabwa mumaanza aabantu, eelyo bayoomujaya,+ pele nokuba kuti akajaigwe, uyoobuka kwaakwiinda mazuba otatwe.”+

22 pele wakati: “Mwanaamuntu weelede kwiinda mumapenzi manji akukakwa abaalu, basilutwe babapaizi abalembi akuti uyoojaigwa,+ mpoonya akubusyigwa mubuzuba bwatatu.”+

31 Mpoonya wakatola bali Kkumi Ababili kumbali akubaambila kuti: “Amubone! Tuunka ku Jerusalemu, eelyo zintu zyoonse zyakalembwa abasinsimi kujatikizya Mwanaamuntu ziyoozuzikizyigwa.*+ 32 Mucikozyanyo, uyakwaabwa kubantu bamasi+ alimwi uyoofwubaazyigwa+ akusampaulwa akuswidwa mate.+ 33 Alimwi baakumana kumukwibbaula bayoomujaya,+ pele mubuzuba bwatatu uyoobuka.”+