27 “‘Mpoonya bwami abweendelezi alimwi abulemu bwamami aali ansi aajulu lyoonse bwakapegwa kubantu, nkokuti ibasalali ba Mupati Kwiinda.+ Bwami bwabo mbwami butamani,+ alimwi bweendelezi buli boonse buyoobabelekela akubamvwida.’

28 “Nokuba boobo, nywebo ndinywe mwakakatila kulindime+ mumapenzi aangu;+ 29 aboobo ndibamba cizuminano cabwami andinywe mbubonya Taata mbwaabamba cizuminano andime,+ 30 kutegwa mukalye akunywa atebulu lyangu mu Bwami bwangu,+ akuti mukakkale azyuuno zyabwami+ akubeteka misyobo yabana Israyeli iili 12.+

28 Aboobo, lino mbotwabona kuti tuyootambula Bwami butakonzyi kuzungaanizyigwa, atuzumanane kutambula luzyalo lwa Leza, kutegwa kwiinda mulindulo tukonzye kubelekela Leza mulimo uusetekene munzila yeelede cakuyoowa Leza akumulemeka kapati.

5 Amuswiilile, bakwesu nomuyandwa. Sena Leza tanaakasala baabo nyika eeyi mboibona kuti mbacete kuba bavwubi mulusyomo+ alimwi abasikukona Bwami, oobo mbwaakasyomezya kuli baabo bamuyanda?+

6 alimwi iwakatupa kuti tube bwami,+ bapaizi+ kuli Leza wakwe alimwi Usyi—inzya, kulinguwe akube bulemu alimwi anguzu lyoonse mane kukabe kutamani. Ameni.