22 Pilato wakati kulimbabo: “Ino lino ndityani a Jesu ooyo wiitwa kuti Kristo?” Boonse bakati: “Aagagailwe acisamu!”*+ 23 Wakati: “Nkaambo nzi? Ino ncibi nzi ncaakacita?” Pele bakazumanana koompololesya kabati: “Aagagailwe acisamu!”+

24 Naakabona kuti tacigwasyi, pele kubuka buyo lupyopyongano, Pilato wakabweza maanzi akusamba kumaanza nkamu yabantu kailangilila akuti: “Mebo ndinyina mulandu wabulowa bwamuntu ooyu. Ooyo mulandu wanu.” 25 Bamvwe boobo, bantu boonse bakaingula kuti: “Bulowa bwakwe abube alindiswe aabana besu.”+ 26 Mpoonya wakabaangunwida Baraba, pele wakalailila kuti Jesu akwibbaulwe,+ kumane wakabapa kutegwa akajaigwe aacisamu.+

12 Alimwi Pilato wakabaingula kwiinda mukubabuzya kuti: “Ino ndimucite buti ooyu ngomwaamba kuti Mwami waba Juda?”+ 13 Alimwi bakoongolola kuti: “Komugagaila aacisamu!”*+ 14 Pele Pilato wakababuzya kuti: “Nkaambo nzi? Ino ncibi nzi ncaakacita?” Bakazumanana koongololesya kabati: “Komugagaila aacisamu!”*+ 15 Aboobo Pilato, kayanda kukkomanisya bantu, wakabaangunwida Baraba; alimwi amane kumukwibbauzya Jesu,+ wakabapa kutegwa akajaigwe aacisamu.+

12 Akaambo kaceeci Pilato wakasoleka kujana nzila yakuti amwaangunune, pele ba Juda bakoompolola kuti: “Ikuti naa umwaangunune muntu ooyu, nkokuti toli mulongwe wa Kaisara. Kufwumbwa muntu uulyaamba kuti mwami, ukazyanya* a Kaisara.”+