1 Makani
9 Bana Israyeli boonse bakalembwa mumulongo wamazyalani, balilembedwe mu Bbuku lya Bami ba Israyeli. Ba Juda bakatolwa kabali baange ku Babuloni akaambo kakutasyomeka kwabo.+ 2 Ibakasaanguna kupiluka kulukono lwabo muminzi yabo bakali bana Israyeli bamwi, bapaizi, ba Levi abasimilimo baatempele.*+ 3 Bamwi balunyungu lwa Juda,+ lwa Benjamini,+ lwabana Efraimu alwabana Manase bakakkala mu Jerusalemu: 4 Utai mwana wa Amihudi mwana wa Omuri mwana wa Imiri mwana wa Bani, umwi walunyungu lwa Perezi+ mwana wa Juda. 5 Kuzwa kubana Silo,* kwakali Asaya mwana mutaanzi alimwi abana bakwe. 6 Kuzwa kubana ba Zera,+ kwakali Jeuli antoomwe abanabokwabo bali 690.
7 Kuzwa kulunyungu lwa Benjamini kwakali Salu mwana wa Mesulamu mwana wa Hodaviya mwana wa Hasenuwa, 8 Ibineya mwana wa Jerohamu, Ela mwana wa Uzi mwana wa Mikiri, Mesulamu mwana wa Sefatiya mwana wa Reueli mwana wa Ibiniya. 9 Alimwi banabokwabo mumazyalani aabo bakali 956. Baalumi aaba boonse bakali basilutwe baziinga zyabamausyi.*
10 Akati kabapaizi, kwakali Jedaya, Jehoyaribu, Jakini,+ 11 Azariya mwana wa Hilikiya mwana wa Mesulamu mwana wa Zadoki mwana wa Merayoti mwana wa Ahitubi, imusololi wamuŋanda* ya Leza mwini-mwini, 12 Adaya mwana wa Jerohamu mwana wa Pasuri mwana wa Malikiya, a Maasai mwana wa Adieli mwana wa Jazera mwana wa Mesulamu mwana wa Mesilemiti mwana wa Imeri, 13 alimwi abanabokwabo, basilutwe baziinga zyabamausyi ibali 1,760, baalumi basinguzu ibakonzya kubeleka mulimo muŋanda ya Leza mwini-mwini.
14 Kuzwa kuba Levi, kwakali Semaya+ mwana wa Hasubu mwana wa Azirikamu mwana wa Hasabiya kuzwa kulunyungu lwa Merari; 15 Bakabakara, Heresi, Galali, Mataniya mwana wa Mika mwana wa Zikiri mwana wa Asafu, 16 Obadiya mwana wa Semaya mwana wa Galali mwana wa Jedutuni a Berekiya mwana wa Asa mwana wa Elikana, iwakali kukkala mutunzi twabana Netofati.+
17 Balindizi bamilyango+ bakali ba Salumu, Akubu, Talimoni, Ahimani alimwi Salumu mwanookwabo ngowakali silutwe, 18 alimwi kusikila kuciindi eeco ngowakali kumulyango wamwami kujwe.+ Aaba mbabakali balindizi bamilyango munkambi zyaba Levi. 19 Alimwi Salumu mwana wa Kore mwana wa Ebiasafu mwana wa Kora abanabokwabo bamuciinga cabamausyi, bana Kora, mbabakali kulanganya milimo, balindizi bamilyango yatente eelyo bamausyi mbabakali kulanganya nkambi ya Jehova, kumanjililo aanjiyo. 20 Finehasi+ mwana wa Eleazara+ ngowakali musololi wabo kaindi; Jehova wakali anguwe. 21 Zekariya+ mwana wa Meselemiya wakali mulindizi wamulyango watente lyakuswaanganina.
22 Boonse ibakasalidwe kuba balindizi bamilyango bakali 212. Bakali muminzi yabo kweelana ambobakalembedwe+ mumulongo wamazyalani aabo. Davida a Samuele sikubona zyakumbele+ mbabakabasala mumilimo yabo nkaambo bakali kusyomeka. 23 Balo abana babo mbabakali kubeleka mulimo wabulindizi mumilyango yaŋanda ya Jehova,+ nkokuti tente. 24 Balindizi bamilyango bakali kumabazu one–kujwe,+ kumbo, kunyika akumusanza. 25 Ciindi aciindi, banabokwabo bakeelede kuboola kuzwa muminzi yabo kuzoobeleka ambabo mazuba aali ciloba. 26 Kwakali basilutwe bapati* bone bamilyango ibakabikkidwe akaambo kakusyomeka kwabo. Bakali ba Levi, alimwi mbabakali kulanganya maanda aakulida aziyobwedo zyamuŋanda ya Leza mwini-mwini.+ 27 Bakali kukkala kuzinguluka ŋanda ya Leza mwini-mwini busiku boonse, nkaambo mbabakapedwe mulimo wabulindizi, alimwi mbabakali kulanganya makkii akujalula milyango lyoonse mafwumofwumo.
28 Bamwi akati kabo bakali kulanganya zibelesyo zyamulimo;+ nkaambo bakali kuzibala ciindi nozyakali kuletwa alimwi anozyakali kupilusyigwa. 29 Bamwi akati kabo bakabikkidwe kulanganya zibelesyo zimbi, zibelesyo zyoonse zisalala,+ fulaulu,+ waini,+ mafwuta,+ tununkilizyo+ alimwi amafwuta aamabbona.+ 30 Bana babapaizi bamwi bakali kupanga mafwuta aanunkilila aavwelene amafwuta aamabbona. 31 Akaambo kakusyomeka kwakwe, Matitiya mu Levi iwakali mwana mutaanzi wa Salumu muna Kora wakabikkwa kulanganya mulimo wakupanga zinkwa.+ 32 Ibanabokwabo bamwi akati kabana Kohati bakali kulanganya zinkwa zyakwiilika,*+ bakali kuzibamba sabata asabata.+
33 Aaba mbabakali baimbi, basilutwe baziinga zyabamausyi baba Levi mumaanda aakulida, aabo ibatakali kubeleka milimo imbi; nkaambo bakali kubeleka syikati amasiku. 34 Aaba bakali basilutwe baziinga zyabamausyi baba Levi mumazyalani aabo. Bakali kukkala mu Jerusalemu.
35 Jeieli usyi Gibeoni wakali kukkala mu Gibeoni.+ Mukaintu wakwe wakali Maaka. 36 Mwanaakwe mutaanzi wakali Abidoni, eelyo bambi bakali ba Zuri, Kisi, Baala, Neri, Nadabu, 37 Gedoro, Ahio, Zekariya a Mikiloti. 38 Mikiloti wakazyala Simeamu.* Boonse aaba bakali kukkala afwaafwi abanabokwabo mu Jerusalemu antoomwe abanabokwabo bambi. 39 Neri+ wakazyala Kisi; Kisi wakazyala Saulo;+ Saulo wakazyala Jonatani,+ Malikisuwa,+ Abinadabu a Esibaala.+ 40 Mwana wa Jonatani wakali Meribu-baala.+ Eelyo Meribu-baala wakazyala Mika.+ 41 Bana ba Mika bakali ba Pitoni, Meleki, Tareya a Ahazi. 42 Ahazi wakazyala Jara;* Jara wakazyala Alemeti, Azimaveti a Zimuri. Zimuri wakazyala Moza. 43 Moza wakazyala Bineya, Bineya wakazyala Rafaya,* Rafaya wakazyala Eleasa, Eleasa wakazyala Azeli. 44 Azeli wakajisi bana bali cisambomwe, mazina aabo ngaaya: Azirikamu, Bokeru, Isimayeli, Seariya, Obadiya a Hanani. Aaba mbabakali bana ba Azeli.