1 Makani
2 Aaba mbabakali bana ba Israyeli:+ Rubeni,+ Simeoni,+ Levi,+ Juda,+ Isakara,+ Zebuloni,+ 2 Dani,+ Josefa,+ Benjamini,+ Nafutali,+ Gadi+ a Aseri.+
3 Bana ba Juda bakali ba Ere, Onani a Sela. Mwana musimbi wa Shuwa muna Kanana,+ nguwakamuzyalila bana aaba botatwe. Pele Ere mwana mutaanzi wa Juda wakali kucita zibi mumeso aa Jehova, aboobo Leza wakamujaya.+ 4 Tamara+ mukamwana wa Juda, wakamuzyalila Perezi+ a Zera. Bana ba Juda boonse antoomwe bakali bosanwe.
5 Bana ba Perezi bakali ba Hezironi a Hamuli.+
6 Bana ba Zera bakali ba Zimuri, Etani, Hemani, Kalikoli a Dara. Boonse antoomwe bakali bosanwe.
7 Mwana* wa Karimi wakali Akari,* ooyo iwakaletela bana Israyeli+ mapenzi* alimwi iwakacita cakutasyomeka kujatikizya zintu zyakeelede kunyonyoonwa.+
8 Mwana* wa Etani wakali Azariya.
9 Bana ba Hezironi bakali ba Jerameli,+ Ramu+ a Kelubai.*
10 Ramu wakazyala Aminadabu.+ Aminadabu wakazyala Nasoni+ silutwe walunyungu lwa Juda. 11 Nasoni wakazyala Salima.+ Salima wakazyala Boazi.+ 12 Boazi wakazyala Obedi. Obedi wakazyala Jese.+ 13 Jese wakazyala Eliabu mwanaakwe mutaanzi, Abinadabu+ wakali wabili, Simea wakali watatu,+ 14 Netaneli wakali wane, Radai wakali wasanu, 15 Ozemu wakali wacisambomwe, eelyo Davida+ wakali waciloba. 16 Bacizyi babo bakali ba Zeruya a Abigayeli.+ Bana basankwa ba Zeruya bakali ba Abisai,+ Joabu+ a Asaheli,+ bakali botatwe. 17 Abigayeli wakazyala Amasa,+ alimwi usyi Amasa wakali Jeteri muna Isimayeli.
18 Kalebe* mwana wa Hezironi wakazyala bana basankwa kumukaintu wakwe Azuba alimwi akuli Jerioti; bana bakwe mbaaba: Jeseri, Sobabu a Aridoni. 19 Ciindi Azuba naakafwa, Kalebe wakakwata Efrata,+ mpoonya wakamuzyalila Huri.+ 20 Huri wakazyala Uri. Eelyo awalo Uri wakazyala Bezaleli.+
21 Kuzwa waawo Hezironi wakoona amwana musimbi wa Makiri+ usyi Gileadi.+ Hezironi wakali amyaka iili 60 ciindi naakamukwata, eelyo wakamuzyalila Segubu. 22 Segubu wakazyala Jairi,+ ooyo iwakajisi minzi iili 23 munyika ya Gileadi.+ 23 Kumane Gesuri+ a Siriya+ bakabweza Havoti-jairi+ kuzwa kubantu bakali kukkala mumo, kubikkilizya a Kenati+ aminzi misyoonto* yanguwo, minzi iili 60. Boonse aaba bakali balunyungu lwa Makiri usyi Gileadi.
24 Lino naakafwa Hezironi+ mu Kalebe-efrata, Abija mukaintu wa Hezironi, wakamuzyalila Asuri+ usyi Tekowa.+
25 Bana ba Jerameli mwana mutaanzi wa Hezironi bakali ba Ramu, iwakali mutaanzi, Buna, Oreni, Ozemu a Ahija. 26 Jerameli wakajisi mukaintu uumbi wazina lya Atara. Mbabakali banyina Onamu. 27 Bana ba Ramu imwana mutaanzi wa Jerameli bakali ba Maazi, Jamini a Ekeri. 28 Bana ba Onamu bakali ba Samai a Jada. Eelyo bana ba Samai bakali ba Nadabu a Abisuri. 29 Izina lyamukaintu wa Abisuri wakali Abihaili, ooyo iwakamuzyalila Abani a Molidi. 30 Bana ba Nadabu bakali ba Seledi a Apaimu. Pele Seledi wakafwa katajisi bana. 31 Mwana* wa Apaimu wakali Isi. Eelyo mwana* wa Isi wakali Sesani, alimwi mwana* wa Sesani wakali Alai. 32 Bana ba Jada imwanookwabo a Samai bakali ba Jeteri a Jonatani. Pele Jeteri wakafwa katajisi bana. 33 Bana ba Jonatani bakali ba Peleti a Zaza. Aaba mbabakali balunyungu lwa Jerameli.
34 Sesani tanaakazyala bana basankwa, pele wakazyala buyo bana basimbi. Lino Sesani wakajisi mubelesi muna Egepita wazina lya Jara. 35 Sesani wakakwasya mwanaakwe musimbi kumubelesi wakwe Jara, eelyo wakamuzyalila Atai. 36 Atai wakazyala Natani. Natani wakazyala Zabadi. 37 Zabadi wakazyala Efilali. Efilali wakazyala Obedi. 38 Obedi wakazyala Jehu. Jehu wakazyala Azariya. 39 Azariya wakazyala Helezi. Helezi wakazyala Eleasa. 40 Eleasa wakazyala Sisimai. Sisimai wakazyala Salumu. 41 Salumu wakazyala Jekamiya. Jekamiya wakazyala Elisama.
42 Bana ba Kalebe*+ imwanookwabo a Jerameli bakali ba Mesa mwanaakwe mutaanzi, ooyo iwakali usyi Zifi, alimwi abana ba Maresha usyi Hebroni. 43 Bana ba Hebroni bakali ba Kora, Tapua, Rekemu a Sema. 44 Sema wakazyala Rahamu usyi Jorikeamu. Rekemu wakazyala Samai. 45 Mwana wa Samai wakali Maoni. Maoni wakali usyi Beti-zuri.+ 46 Efa mwanakasuwa wa Kalebe wakazyala Harani, Moza a Gazezi. Harani wakazyala Gazezi. 47 Bana ba Jadai bakali ba Regemu, Jotamu, Gesani, Peleti, Efa a Safa. 48 Maaka mwanakasuwa wa Kalebe wakazyala Seberi a Tirana. 49 Mukuya kwaciindi wakazyala Safa usyi Madimana,+ alimwi a Seva usyi Makibena a Gibeya.+ Mwana musimbi wa Kalebe+ wakali Akisa.+ 50 Oolu ndolwakali lunyungu lwa Kalebe.
Bana ba Huri+ imwana mutaanzi wa Efrata+ mbaaba: Sobala usyi Kiriyati-jearimu,+ 51 Salima usyi Betelehemu+ a Harafi usyi Beti-gaderi. 52 Mbaaba bana bambi Sobala usyi Kiriyati-jearimu mbaakazyala: Haroe alimwi acisela cabana Menuhoti. 53 Mikwasyi ya Kiriyati-jearimu njeeyi: Bana Itiri,+ bana Puti, bana Sumati abana Misriai. Bana Zorati+ abana Esitaoli+ bakazwa kumikwasyi eeyi. 54 Bana ba Salima bakali ba Betelehemu,+ bana Netofati, Atroti-beti-joabu acisela cabana Manahati alimwi abana Zori. 55 Mikwasyi yabalembi iyakali kukkala ku Jabezi njeeyi: Bana Tirati, bana Simeati abana Sukati. Aaba mbabana Keni+ ibakaboola kuzwa kuli Hamati usyi wamukwasyi wa Rekabu.+