Intembauzyo

43 Kondibeteka, O Leza,+

Kondiiminina mukaambo kangu+ kucisi citasyomeki.

Kondivwuna kumuntu silweeno alimwi uutaluleme.

2 Nkaambo nduwe Leza wangu, imampangala aangu.+

Ino nkaambo nzi ncoondisowela?

Nkaambo nzi ncondeelede kweenda kanduuside akaambo kakudyaamininwa asinkondoma?+

3 Kotuma mumuni wako akasimpe kako.+

Eezyi azindisololele;+

Azinditole kucilundu cako cisalala akutente lyako lipati lyakukombela.+

4 Mpoonya ndiyoosika kucipaililo ca Leza,+

Kuli Leza, ooyo uundipa kukondwa kapati.

Alimwi ndiyookutembaula akantimbwa,+ O Leza, Leza wangu.

5 Nkaambo nzi ncindatyompwa?

Nkaambo nzi ncindanyongana boobu mumoyo?

Kolindila Leza,+

Nkaambo ndiyoomutembaula alimwi, mbwaanga ngo Mufwutuli wangu Mupati, alimwi ngo Leza wangu.+