Intembauzyo

85 Wacifwida luzyalo cisi cako,+ O Jehova;

Wakabapilusya bana ba Jakobo ibakatoledwe mubuzike.+

 2 Walekelela bantu bako mulandu wabo;

Wakabajatila* zibi zyabo zyoonse.+ (Sela)

 3 Wakalesya bukali bwako boonse;

Wakaleka kunyema kwako kupati.+

 4 Kotupilusya nkotwakabede,* O Leza walufwutuko lwesu,

Alimwi koleka kutunyemena.+

 6 Sena tokootubukulusya alimwi

Kutegwa bantu bako bakondwe mulinduwe?+

 7 Kotutondezya luyando lwako lutamani, O Jehova,+

Alimwi kotufwutula.

 8 Ndilaswiilila ncaamba Leza mwini-mwini Jehova,

Nkaambo waamba makani aaluumuno kubantu bakwe,+ inzya kubantu bakwe basyomeka,

Pele batataliki kulisyoma alimwi pe.+

 9 Masimpe lufwutuko lwakwe lulaafwaafwi kuli baabo bamuyoowa,+

Kutegwa bulemu bwakwe bube mucisi cesu.

10 Luyando lutamani akusyomeka ziyakuswaangana;

Bululami aluumuno ziyakumyontana.+

11 Kusyomeka kuyoosyuuka munyika,

Alimwi bululami buyoolanga ansi kabuli kujulu.+

12 Masimpe, Jehova uyoopa zintu zibotu,*+

Alimwi nyika yesu iyoozyala micelo yanjiyo.+

13 Bululami buyakweenda kumbele lyakwe+

Alimwi buyoopanga nzila mwayakwiinda.