1 Makani
12 Aaba mbabaalumi ibakaboola kuli Davida ku Zikilaga+ ciindi naakacili kuyubaila akaambo ka Saulo+ mwana wa Kisi, alimwi bakali akati kabasikalumamba basinguzu ibakamugwasya munkondo.+ 2 Bakajisi mata alimwi bakali kukonzya kubelesya maanza aakululyo aakulumwensyi+ kuwaala mabwe munkwisyo+ naa kufwusa mivwi amata. Bakali banabokwabo a Saulo kuzwa kubana Benjamini.+ 3 Silutwe wakali Ahiezeri antoomwe a Joasi, aaba bobilo bakali bana ba Semaa muna Gibea;+ Jezieli a Peleti bana ba Azimaveti,+ Beraka, Jehu muna Anatoti, 4 Isimaya muna Gibeoni,+ sikalumamba singuzu akati kabasilutwe bali makumi otatwe;+ awalo Jeremiya, Jahazieli, Johanani, Jozabadi muna Gedera, 5 Eluzai, Jerimoti, Bealiya, Semariya, Sefatiya muna Harifi, 6 Elikana, Isiya, Azareli, Joezeri, Jasobeamu, bana Kora;+ 7 Joela a Zebadiya ibana ba Jerohamu waku Gedoro.
8 Bana Gadi bamwi bakaunka kuli Davida mumpangala munkanda;+ bakali basikalumamba basinguzu ibakayiisyidwe kulwana nkondo kabalibambilide amasumo antobo zipati alimwi masyu aabo akali mbuli masyu aabasyuumbwa, kabalunduka mbuli insya mumalundu. 9 Ezeri wakali silutwe, eelyo wabili wakali Obadiya, watatu wakali Eliabu, 10 wane wakali Misimana, wasanu wakali Jeremiya, 11 wacisambomwe wakali Atai, waciloba wakali Elieli, 12 walusele wakali Johanani, wafwuka wakali Elizabadi, 13 wakkumi wakali Jeremiya, eelyo wakkumi aumwi wakali Makibanai. 14 Aaba bakali bana Gadi+ basilutwe bampi zyabasikalumamba. Imuniini akati kabo wakali kukonzya kulwana bantu bali 100, eelyo imupati akati kabo wakali kukonzya kulwana bantu bali 1,000.+ 15 Aaba mbabaalumi bakazabuka Jordano niwakapaide mumwezi wakusaanguna, mpoonya bakatanda bantu boonse bakali kukkala mucibanda, kujwe akumbo.
16 Baalumi bamwi bana Benjamini a Juda abalo bakaboola kuli Davida kubusena bwakwe bukatazya kusika.+ 17 Mpoonya Davida wakaunka kuyooswaangana ambabo akubaambila kuti: “Ikuti naa mwaboola muluumuno kuti mundigwasye, moyo wangu ulakamantana andinywe. Pele ikuti naa mwaboolela kuzoondaaba kuli basinkondoma kakuli kunyina cibi ncindacita, Leza wabamatata aabone makani aaya akubeteka.”+ 18 Lino muuya wa Leza wakaboola aali Amasai+ silutwe wabali makumi otatwe, mpoonya wakati:
“Tuli bako, O Davida, alimwi tuli kulubazu lwako, omwana wa Jese.+
Luumuno, luumuno lube anduwe, alimwi amuntu uukugwasya abe aluumuno,
Nkaambo Leza wako ulimukukugwasya.”+
Aboobo Davida wakabatambula akubasala kuba akati kabasilutwe bamakamu aabasikalumamba.
19 Bamwi akati kamusyobo wa Manase bakalizandula akuya kuli Davida ciindi naakaboola aba Filisiti kuzoolwana Saulo; pele tanaakabagwasya pe, nkaambo nobakamvwana, bami baba Filisiti+ bakamupilusya kabati: “Ulatusandukila akuya kuli simalelaakwe Saulo eelyo tulaba muntenda yalufwu.”+ 20 Lino naakaunka ku Zikilaga,+ aaba mbabakazanduka kuzwa kuli Manase akuunka kulinguwe: Adina, Jozabadi, Jediyaeli, Mikayeli, Jozabadi, Elihu a Ziletai, basilutwe bazyuulu ba Manase.+ 21 Bakagwasya Davida kulwana zigwebenga zisaala, nkaambo boonse bakali baalumi basinguzu,+ basicamba alimwi bakaba basilutwe bampi yabasikalumamba. 22 Buzuba abuzuba bantu bakali kuboola kuli Davida+ kuzoomugwasya, kusikila yakaba nkamu mpati yabasikalumamba, mbuli nkamu ya Leza.+
23 Ooyu ngomweelwe wabasilutwe babasikalumamba ibakalibambilide kulwana ibakaboola kuli Davida ku Hebroni+ kuzoomupa bwami bwa Saulo kweelana amalailile aa Jehova.+ 24 Baalumi bana Juda ibakanyamwide ntobo zipati amasumo ibakalibambilide kulwana bakali 6,800. 25 Kuzwa kubana Simeoni, kwakali baalumi basikalumamba basinguzu alimwi basicamba bali 7,100.
26 Kuzwa kuba Levi kwakali baalumi bali 4,600. 27 Jehoyada+ nguwakali silutwe wabana ba Aroni,+ wakali antoomwe abaalumi bali 3,700, 28 kubikkilizya a Zadoki,+ imulombwana singuzu alimwi sicamba, antoomwe abasilutwe baziinga zyabamausyi ibali 22.
29 Kuzwa kubana Benjamini, ibanabokwabo a Saulo,+ kwakali baalumi bali 3,000, kuciindi eeco bunji bwabo bakabikkilide kapati maano kulindilila ŋanda ya Saulo. 30 Kuzwa kubana Efraimu, kwakali baalumi bali 20,800, basinguzu, basicamba alimwi balaampuwo muziinga zyabamausyi.
31 Kuzwa kucisela camusyobo wa Manase, kwakali baalumi bali 18,000, ibakaambwa mazina kuti baboole kuzoobikka Davida kuba mwami. 32 Kuzwa kumusyobo wa Isakara, kwakali basilutwe babo bali 200, ibaalumi bakajisi luzyibo lwakumvwisya ziindi akuzyiba ncobakeelede kucita bana Israyeli, alimwi bakali kusololela banabokwabo boonse. 33 Kuzwa kuli Zebuloni, kwakali baalumi bali 50,000, ibakali kukonzya kuunka kunkondo kabalibambilide kulwana kabajisi zilwanyo zyamisyobo yoonse, boonse bakamusangana Davida amoyo woonse.* 34 Kuzwa kuli Nafutali, kwakali basilutwe bali 1,000, alimwi bakali abasikalumamba ibakajisi ntobo zipati amasumo bali 37,000. 35 Kuzwa kubana Dani, kwakali baalumi balibambilide kulwana nkondo bali 28,600. 36 Eelyo kuzwa kumusyobo wa Aseri, kwakali baalumi ibakali kukonzya kuunka kunkondo bali 40,000.
37 Kuzwa mutala lya Jordano,+ kubana Rubeni, bana Gadi acisela camusyobo wa Manase, kwakali basikalumamba bali 120,000 ibakajisi zilwanyo zyankondo zyamisyobo yoonse. 38 Aaba boonse bakali baalumi basikalumamba ibakayoboloka antoomwe akundandama kunkondo; bakaboola amoyo woonse ku Hebroni kuzoobikka Davida kuti abe mwami wa Israyeli yoonse, alimwi bana Israyeli boonse ibakasyeede bakalikamantene mukuyanda* kubikka Davida kuba mwami.+ 39 Alimwi bakakkala ooko a Davida mazuba otatwe kabalya akunywa, nkaambo banabokwabo bakababambila cakulya. 40 Alimwi aabo ibakali afwaafwi, nobaba baabo ibakali kule kusikila ku Isakara, Zebuloni a Nafutali, bakali kuleta zyakulya zinji kapati kabazinyamwide ambongolo, ankamela, amamyuulu* alimwi aaŋombe–izyakulya izyakapangwa afulaulu, zibbuubbu zyankuyu azibbuubbu zyamisaansa miyumu, waini, mafwuta, ŋombe ambelele, nkaambo kwakali kusekelela mu Israyeli.