Sena Mulayanda Kuba Mulongwe wa Leza?

● Ino inga mwawiingula buti mubuzyo uuli atala aawa? Musimbi umwi uukkala kuminzi iili mucilawo ciitwa kuti Guerrero, mucisi ca Mexico wakaamba kuti tatukonzyi kumvwana anguwe. Basimbi bobilo, Bakamboni ba Jehova bakali kumutondezya broshuwa yakuti Mulakonzya Kuba Mulongwe wa Leza! iyakalembedwe mumwaambo wakwe. Wakagambwa ikubona kuti yakalembedwe mumwaambo waci Tlapanec akaambo kakuti wakali kubona buyo mabbuku aamfwulumende aakalembwa mumwaambo wakwe.

Basimbi bobilo aaba bakamupanduluda kuti kabbuku aaka ncitondezyo cakuti Mulengi ulamuyanda akuti kalakonzya kumugwasya kumuzyiba Leza. Kakunyina akusowa ciindi, wakatalika kubala ciiyo cakusaanguna cijisi mutwe wakuti “Leza Ulamutamba Kuti Mube Balongwe Bakwe.” Naakamanizya kubala ciiyo eeci, wakaamba kuti: “Ndiyanda kuba mulongwe wa Leza. Sena inga mwandiletela Bbaibbele?” Ciindi Bakamboni nobakamutolela Bbaibbele, banyina musimbi ooyu bakabalomba kuti bakkale kutegwa babayiisye makani aamwi.

Broshuwa yakuti Mulakonzya Kuba Mulongwe wa Leza! ilembedwe mumyaambo iili 17 yakucisi ca India iibelesyegwa mucisi ca Mexico kubikkilizya amwaambo waci Tlapanec. Nyika yoonse mboizulwa, broshuwa eeyi yakalembwa mumyaambo iili 278 kubikkilizya amabbuku aaboofwu. Ikuti kamwiiyanda broshuwa eeyi, mulakonzya kulemba kapepa kali aansi aawa akukatumina kukkeyala iitondezyedwe naa kukkeyala yeelede iili apeeji 5 mumagazini eeyi.

□ Kakunyina kubbadela, ndilomba kuti munditumine broshuwa iitondezyedwe waawa.

□ Amundilembele kujatikizya ciiyo ca Bbaibbele caaŋanda citabbadelelwi.