Ino mbuti Bakamboni ba Jehova mbobayiisya Bbaibbele?
Balayiisya kwiinda mukubandika kaambo kamwi akamwi, alimwi kanji-kanji babelesya bbuku ligwasya kwiiya Bbaibbele litegwa Ino Ncinzi Cini Bbaibbele Ncoliyiisya? Lijisi mitwe iili 19 kubikkilizya ayeeyi iitobela:
“Ino Ninjiisyo nzi Zyakasimpe Ziliko Kujatikizya Leza?”
“Ino Jesu Kristo Nguni?”
“Ino Bafwide Bali Kuli?”
“Sena Tupona ‘Kumazuba Aakumamanino’?”
“Nkaambo nzi Leza Ncalekelede Kupenga?”
“Mbomunga Mwacita Bukkale Bwanu Bwamumukwasyi Kuba Bwalukkomano”
Basikwiiya bakulwaizigwa kubuzya mibuzyo alimwi akulibonena bwiinguzi mu Bbaibbele. Mukuya kwaciindi, kweelana anzyobaiya mu Bbaibbele, balakonzya kulisalila beni cikombelo.
Mulakonzya kulomba kuba aciiyo ca Bbaibbele cenu kumugama alimwi akabbuku aaka, kwiinda mukulemba kapepa kali aansi aawa akukatumina kukkeyala iitondezyedwe naa kukkeyala yeelede akati kayaaya aali apeeji 5 mumagazini eeyi.
□ Kakunyina kubbadela, ndilomba kuti munditumine bbuku litondezyedwe aawa.
Amutondezye mwaambo.
□ Amundilembele kujatikizya ciiyo ca Bbaibbele caaŋanda citabbadelelwi.