CISI ALIMWI ABANTU
Kuswaya ku Cameroon
BA BAKA alimwi ibaitwa kuti ma Pygmies kulangilwa kuti mbabantu bakasaanguna kukkala ku Cameroon. Mpoonya cakuma 1500, ba Portuguese bakasika. Nikwakainda myaka iili mbwiibede, Bafulani—Bamozilemu—bakazunda lubazu lwa Cameroon nkoili kunyika. Sunu, 40 pesenti yabantu baku Cameroon baamba kuti Mbanakristo, 20 pesenti, Mbamozilemu, mpoonya 40 pesenti iimbi, mbamuzikombelo zyamu Africa.
Bantu bakkala muminzi bamucisi eeci balasamausya kapati. Beenzu cakusaanguna balajuzigwa akunjizyigwa muŋanda, mwalo mobasombwa maanzi alimwi acakulya. Kukaka kusamausyigwa abamukamwini ŋanda nditusi, pele kuzumina kusamausyigwa nkutondezya kulumba.
Mibandi ilatalika kwiinda mukujuzya banamukwasyi alimwi akubuzya mbobapona. Alimwi bantu balabuzya mbobapona banyama bavwubwa. Ba Joseph baku Cameroon bakaamba kuti: “Ciindi mweenzu nalaya, taambi buyo kuti ‘Mucaale kabotu.’ Kanji-kanji, bamukamwini ŋanda balamusindikila kutegwa bazumanane amubandi wabo. Kumane, balamulaya akupiluka. Mweenzu uutasamausyigwi munzila iili boobu ulimvwa kuti tiibamutambula pe.”
Ciindi cakulya, zimwi ziindi balida antoomwe mumutiba omwe kababelesya maanza. Eeci cilengwa citondezya lukamantano mucisi ca Cameroon. Masimpe ngakuti, cilengwa eeci cibukulusya zilongwe. Munzila imwi inga twaamba kuti kulida antoomwe munzila iili boobu cili mbuli kuti bantu baamba kuti, “Lino tulamvwana.”
[Cifwanikiso icili apeeji 12]
[Maapu iili apeeji 12]
(Kutegwa mubone bwini mbwaakkede mabala, amubone bbuku lini)
CAMEROON
Mulonga wa Sanaga
Yaoundé
Mulonga wa Dja
Gulf of Guinea
[Cifwanikiso icili apeeji 13]
Bunji bwabama Pygmies bapati balampa buyo kusika ku 1.2m alimwi a 1.42m
[Cifwanikiso icili apeeji 13]
Basikumwaya bamagazini eeyi Bakamboni ba Jehova, balajanika mumbungano ziinda ku 300 mu Cameroon alimwi balasololela ziiyo zya Bbaibbele zisika ku 65,000
[Cifwanikiso icili apeeji 13]
Mato aali boobu ngaajanika-janika Mumulonga wa Sanaga. Masaili alapangwa kubelesya milembo iili yoonse yakubusena ooku.
[Cifwanikiso icili apeeji 13]
Bakamboni ba Jehova bamwaya mabbuku aamba zya Bbaibbele aamumwaambo waci Bassa, imwaambo uubelesyegwa mu Cameroon
[Kabbokesi kali apeeji 13]
MAKANI MUBUFWAAFWI
Mweelwe wabantu: Utandila ku 20 milyoni
Dolopo lipati: Yaoundé
Mbokubede: Kulubazu lwakunyika kulapya alimwi nkuyumu, busena buli kumbali aalwizi kuli mudumu
Zyintu zisambalwa kunze aacisi: Mungwimba, cocoa, coffee, buluba, mapulanga, lubulo lwa aluminiamu
Myaambo: Cingisi a Cifulenci, kubikkilizya amyaambo iimbi yamu Africa iili 270