LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • g16 No. 1 map. 12-13
  • Kuswaya ku Liechtenstein

Kunyina vidiyo aawa mpomwasala.

Vidiyo yakaka kulila.

  • Kuswaya ku Liechtenstein
  • Sinsimuka!—2016
Sinsimuka!—2016
g16 No. 1 map. 12-13
Bbiliji livwumbidwe iliinda atala aamulonga mucisi ca Liechtenstein

ZISI ALIMWI ABANTU

Kuswaya ku Liechtenstein

Maapu ya Liechtenstein iitondezya minyinza ya Switzerland alimwi a Austria

CISI eeci cili akati kazisi zisyoonto zili munyika, cili mumalundu aali akati kacisi ca Switzerland aca Austria. Kwamyaka minji, bantu ibaambaula mwaambo wansiku baku Europe (Celts), bana Rhaetia, bana Roma, alimwi aba Alemanni bali kukkala mucooko eeci. Mazuba aano, mweelwe wabantu ibabalilwa ku 67 pesenti ibakkala mu Liechtenstein mbamusyobo wa Alemanni ibakatalika kukkala mucooko eeci myaka iibalilwa ku 1,500 yainda.

Mwaambo waci German nguubelesyegwa kapati mucisi ca Liechtenstein nokuba kuti myaambo misyoonto-syoonto ilaindana-indana kweelana abusena. Cakulya ciitwa kuti Tüarka-Rebel icipangwa kuzwa kumapopwe alimwi aciitwa kuti Käsknöpfle, pasta iisanganizyidwe acciizi nzyezyakulya nzyobakkomanina basicisi mu Liechtenstein.

Misyobo yobilo yazyakulya zyaku Liechtenstein

Käsknöpfle

Mukaintu amwana musimbi basamide zisani zyamusyobo wakulimbabo ku Liechtenstein

Zisani nzyobasama

Mucisi eeci basikuswaya baleebelela malundu aavwumbidwe caanda, zibanda, myuunda yamisaansa alimwi azisyango ziindene-indene. Mucikozyanyo, mucisi eeci cisyoonto icili mumalundu, kulajanika misyobo yamaluba iitandila ku 50. Cisi ca Liechtenstein alimwi cilijisi ma museum, maanda aakusobanina alimwi amasena aakupangila waini. Aboobo, basikuswaya kubona masena balaboola kuswaya ciindi cacilimo alimwi acamupeyo.

Bakamboni ba Jehova mbasungu mu Liechtenstein kuzwa muma 1920. Calino, kuli Bakamboni babalilwa ku 90 mucisi, ibayiisya mulumbe wamu Bbaibbele kuli basicisi alimwi abasikuswaya.

Bbuku lyakuti Ino Ncinzi Cini Bbaibbele Ncoliyiisya? lilamwaigwa a Bakamboni ba Jehova mumwaambo waci German, mwaambo uubelesyegwa kapati mu Liechtenstein alimwi nkolili awebbusaiti ya www.jw.org/toi.

MAKANI MUBUFWAAFWI

  • Mweelwe wabantu: 37,000

  • Dolopo lipati: Vaduz

  • Mwaambo uubelesyegwa kapati: German

  • Bukombi: Bakomba ku Katolika Mbabanji

AMUSUNKE LUZYIBO LWANU

Twaambo tuli itupandulula cisi ca Liechtenstein?

  1. Cili akati kazisi zyobilo munyika calo icizungulukidwe azisi.

  2. Muli misyobo yabanyama baindene-indene bainda ku 50.

  3. Muli misyobo yazisyango zibalilwa ku 1,600.

  4. Ncisi citajisi nkamu yabasikalumamba.

Bwiinguzi: Twaambo toonse tone tuliluzi.

    Chitonga Publications (1991-2025)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi