Mamanino

Sena kuli nomuyeeya ziindi zikkomanisya nzyomwakajisi abantu ba Jehova—ciindi nomwakali kumuswaangano wambungano uukulwaizya, kumuswaangano wacooko uukkomanisya, mumulimo wamumuunda uukondelezya, naa ambweni nomwakajisi mubandi mubotu amusyominyoko? Nkokuti tamumulubide Jehova; awalo tamulubide pe. Moyo wakwe ulabotelwa nayeeya mbomwakali kubeleka cakusyomeka. Alimwi uliyandide kapati kumugwasya kuti mupilukile kulinguwe.

Jehova waamba kuti: “Mebo lwangu ndiyooziyandaula mbelele zyangu akuzilanganya. Ndiyoolanganya mbelele zyangu mbomunya mbwacita mweembezi wajana mbelele zyakwe zimwaikide alimwi uuzisanina. Ndiyoozifwutula kuzwa kumasena oonse nkozyakamwaikilide.”—Ezekieli 34:11, 12.