Kulicesya
Ino Jehova ubabona buti bantu balicesya alimwi abalisumpula?
Int. 138:6; Tus. 15:25; 16:18, 19; 22:4; 1Pet. 5:5
Amubone a Tus. 29:23; Is. 2:11, 12
Zibalo zyamu Bbaibbele zigwasya:
2Mak. 26:3-5, 16-21—Mwami Uziya wakalisumpula; wakatyola Mulawo wa Leza alimwi wakanyema ciindi naakapegwa lulayo; Leza wakamusubula kwiinda mukupa kuti abe acinsenda
Lk. 18:9-14—Jesu wakabelesya cikozyanyo kupandulula Jehova mbwalimvwa kujatikizya mipailo yabantu balisumpula alimwi abalicesya
Ino Jehova ucita buti ikuti muntu weempwa kuzwa ansi aamoyo?
2Mak. 7:13, 14; Int. 51:2-4, 17
Zibalo zyamu Bbaibbele zigwasya:
2Mak. 12:5-7—Mwami Rehoboamu alimwi abasilutwe ba Juda bakalicesya kumbele lya Jehova, eelyo kunyina naakabanyonyoona
2Mak. 32:24-26—Mwami Hezekiya wakalisumpula, pele Jehova wakamulekelela ciindi naakalicesya
Mbuti kulicesya mbokutugwasya kuba azilongwe zibotu abamwi?
Ef. 4:1, 2; Flp. 2:3; Kol. 3:12, 13
Zibalo zyamu Bbaibbele zigwasya:
Matl. 33:3, 4—Esau wakalinyemede akaambo ka Jakobo, pele Jakobo wakatondezya kulicesya kapati ciindi naakaswaangana amwanookwabo, akaambo kaceeci kwakaba luumuno akati kabo
Bab. 8:1-3—Cakulicesya, Mubetesi Gideoni wakaambila baalumi bana Efraimu kuti bakali aanguzu kwiinda nguwe, aboobo bakabomba alimwi kunyina nobakamulwana
Ino Jesu Kristo wakatondezya buti mbociyandika kapati kulicesya?
Mt. 18:1-5; 23:11, 12; Mk. 10:41-45
Zibalo zyamu Bbaibbele zigwasya:
Is. 53:7; Flp. 2:7, 8—Kweelana ambokwakasinsimwa, Jesu wakali kulicesya, aboobo wakalilyaabide kuboola anyika akuzoofwa lufwu lucisa kapati alimwi lusampuzya
Lk. 14:7-11—Jesu wakaamba cikozyanyo cijatikizya kusala masena aakukkala kubwiinga kutondezya kulicesya mbokukonzya kutugwasya mubuumi bwesu
Joh. 13:3-17—Jesu wakayiisya basikumutobela kuti beelede kulicesya ciindi naakacita mulimo waansi kapati wakusanzya maulu aabo