Iciyanza Ncomuteelede Kwiindwa

“Zipego zibotu zyoonse azyoolwe zyoonse zilondokede” zizwa kuli Leza, Taata wesu wakujulu. (Jakobo 1:17) Icipo cipati kwiinda ncapede bantu basizibi Leza mbubambe bwakuti bapone kwiinda mu Mwanaakwe simuzyalwa alikke, Jesu Kristo. Lufwu lwa Bunununi ndwaakatufwida Jesu lupa kuti bukonzeke buumi butamani anyika yaparadaiso. Kuli Luka 22:19, tulalaililwa kwiibaluka lufwu lwakwe.

Bakamboni ba Jehova bamutamba camaanza obile kuti mukamvwe mulawo wa Jesu antoomwe ambabo. Eeci ciyanza camwakaa mwaka ciyoocitika lyaakumana kubbila zuba mubuzuba bweelene a Nisani 14 mukubala kwaciindi kwa Bbaibbele ikutobela mwezi, icaamba kuti Mbwabili, April 2, 1996. Amubulembe buzuba obu kutegwa mutakabulubi pe. Bakamboni ba Jehova banyinzi kubusena oko nkomukkala balakonzya kumwaambila kwini-kwini nkociyoocitikila alimwi aciindi.