Ikulwana—Ino-Ino Kuyoomanina Limwi!
“Ikulwana Kubikka Cisi Muntenda”—The New York Times, United States.
“Kulwana Muŋanda”—O Globo, Brazil.
“Kulwana Kwapenzya Bamakaintu Munyika”—The Globe and Mail, Canada.
MITWE yamakani eyi iizwa mumapepa amakani aakuzisi zyaku North alimwi a South America itondezya ciyanza cuusisya cakatazya kapati munyika yoonse mboizulwa. Caino awa Imbunga Iilanga Buponi Bwamuntu Nyika Yoonse Mboizulwa yakaamba kuti “kulwana kwamusyobo oonse kwayaambele kapati mumakumi amyaka yainda eyi.”
Amulange myeelwe eyi yuusisya:
Kujayana. Kucisi ca Latin America alimwi akucisi ca Caribbean, ibantu bamwi basika kumweelwe wa 1,250 balajaigwa buzuba abuzuba. Akaambo kaceeci, “muzisi zisika kucisela camweelwe wazisi zyamubusena obu, kujayigwaa muntu caba ncecintu cabili cileta lufwu kubakubusi bamyaka iili 15-24.”
Ikulwana kucitika kubana. Kuuma, kupenzya alimwi akuboona bana ngamapenzi ajanika munyika yoonse. Mucikozyanyo, “mukuvwuntauzya kwaacitwa mukubuzya–buzya bapati mumasi aasumpukide kwaambwa kuti, mweelwe wa 10%-15% wabana balajatwa akoonwa—kanjikanji ibana basimbi.”
Kulwana bamakaintu. Nibaamana kuvwuntauzya penzi lyakutalanganya zyeelelo zyabantu mu 1997, basikuvwuntauzya bakaamba kuti, “ikulwana muŋanda kwalo kucitwa nyika yoonse caba cimwi cazintu ziletela luciso kubanakazi muzisi zinji munyika.” (Human Rights Watch World Report 1998) Ipenzi lyakulwana muŋanda ilili koonse-koonse nokuba kuti talimvwugwi kapati mumakani, lino liitwa kuti “ndipenzi litaambwi-ambwi lyamumwaanda wamwaka wa 20.”—The Globe and Mail, Canada.
Mbocakabede amumazubaa Nowa, inyika ‘yakazwide bubi.’ (Matalikilo 6:9-12) Pele Jehova Leza wakamubamba “mukambausi wabululami” amukwasyi wakwe “naakapazya maanzi kulibasikasampusampu boonse baansi”. Leza uyakubweza ntaamu ili mbuli yeeyi mumazubeesu. Uyakubakwabilila “bantu bakomba Leza” ciindi aakugwisya balwani abasizibi akubamba nyika kuba paradaiso munyika mpya njaakasyomezya. (2 Petro 2:4-9; 3:11-13) Sena tacimukkomanisyi kumvwa kuti kulwana ino-ino kuyoomanina limwi?