Zyakwaambilizya
◼ Mabbuku aakumwaya mu December: New World Translation antoomwe abbuku lyakuti The Bible—God’s Word or Man’s? Kunze lyayaaya tulakonzya kumwaya bbuku lya Muntu Wamukulu, naa Ibbuku Lyangu. January: Kufwumbwa bbuku lyamapeeji aali 192 ilyakamwaigwa musyule lyamwaka wa 1985 mbungano ndyoicijisi. Imbungano izitajisi mabbuku aya zilakonzya kumwaya kufwumbwa bbuku akati kayaaya amuulo wa K400.00: Listening to the Great Teacher, Ogwirizana M’kulambiridwa kwa Mulungu Yeka Wowona naa Worldwide Security Under the “Prince of Peace.” Ikuti naa oonse aaya aambwa kaatako, amubelesye bbuku lya Muntu Wamukulu naa lya Mankind’s Search for God. February: Amubelesye mabbuku aali woonse aalaa mapeeji aali 192 ngomujisi. March: Luzibo Lutola Kubuumi Butamani. Amubikkile maanu kapati kutalisya ziiyo zya Bbaibbele.
◼ Imbungano zimwi zilawaya-waya kooda mabbuku kuzwa ku Sosaiti nkaambo zilibilika kuti zilabaa cikwelete. Ikuti naa mwaoda mweelwe wamabbuku wansaizi alimwi akwaabbadelela, eeco taceelede kumukasya kooda pe. Aboobo amoode mweelwe wamabbuku aayandika mumbungano yanu. Nomuoda mabbuku aaodwa buyo ciindi naalombwa, mbuli ma Yearbook, Calendar alimwi amabbuku aa Ngazi Yamulindizi alimwi a Awake!, inga cagwasya kuti aabo bayanda mabbuku aayo babbadelela limwi nomutanatumina maoda. Mulakonzya kwaatuma mali ku Sosaiti aabbadelwa nomutuma mali ciindi citobela. Ikuti naa muli mukusola kubbadela cikwelete ncomujisi cambungano, pele kamuyanda kooda zintu zimwi, mulakonzya mwacita obo kwiinda mukutuma mali antoomwe aoda. Aa S-14 njomwatuminaamwi amali amulembe majwi aakuti “Cash with Order” (CWO).
◼ Mbungano zyeelede kutalikila limwi kooda mabbuku aa Ngazi Yamulindizi alimwi a Awake! aamu 1997 antoomwe aoda yazyo ya December. Aaya mabbuku anooliko mu Cingisi. Ikusikila mane aaya mabbuku naayakubako alimwi akutuminwa, anootondezegwa kuti “Aakale” aamulongo wamabbuku aatuminwa kumbungano. Mabbuku aaya aodwa buyo naa kuli walomba.
◼ Mulangizi weendelezya naa uumbi buyo watumwa anguwe weelede kulingula maakkaunti aambungano mu December 1 naa kakucili kumatalikilo aamwezi ngweenya. Amwaambilizye kumbungano nokwamanizigwa kucita boobo.
◼ Ciibalusyo camu 1999 ciyooba muli Bwane mu April 1 kumabbililo aazuba. Twamuzibizizya limwi kutegwa bakwesu batalikile limwi kuyandaula naa kujana maanda aakuswaanganina ciindi eco mumasena oomo mbungano zinji mozibelesya Ŋanda ya Bwami yomwe alimwi ikunga kwayandika kujana ŋanda imbi yakuswaanganina. Ibaalu beelede kupanganina limwi abamukamwini ŋanda kutegwa kutakabi kunyonganizigwa amapakasyo aambi aakonzya kutola busena muŋanda eyo ciindi ca Ciibalusyo. Akaambo kakuti eeci nciindi cipati kapati, ibaalu nobasala mwaambi wamakani aa Ciibalusyo, beelede kusala baalu basimide ibacibwene cini-cini muciindi buyo cakubanzaana naa kusala mukwesu omwe luzutu mwaka amwaka.
◼ Mabbuku Aaliko:
1997 Yearbook of Jehovah’s Witnesses (amuulo wa K300.00. Atumuzibye kuti 1998 Yearbook inooulwa amuulo walyoonse wa K1,500.00)—Cingisi
1951-1996 Mabbuku aa Ngazi Yamulindizi—Cingisi
1984, 1991-96 mabbuku aa Awake! (Mabbuku aa Ngazi Yamulindizi alimwi a Awake! anooulwa amuulo wa K6,000.00 yomwe-yomwe.)—Cingisi