Kwiindulula Kwamu Cikolo Camulimo Wateokrasi

Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya January 5 kusikila ku April 20, 1998. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.

[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]

Amwiingule kutwaambo ootu, mwaambe naa Takaluzi naa Kaliluzi:

1. Ku Incito 15:29, makani aakuti “Kamupona,” sena ngakusyomezya kuti ‘Mulapona kabotu kuti naa mwalikasya kulya bulowa alimwi akutantamuka mamambi.’ [Kubala kwa Bbaibbele kwansondo ansondo; amubone w91-CN 6/15 p. 9 munc. 7 zilembedwe ansi]

2. Ibanakristo tabeelede kubamba bazyali babo bacembeede. [gt-CN mutwe 126]

3. Ku Luka 17:34, 35, majwi aakuti “uyootolwa” aamba kunyonyoonwa. [gt-CN mutwe 93]

4. Ibbala lyakuti “simoni” ilyakazwa kuli cakacitika ku Incito 8:9-24, lyaamba kucita masalamusi. [Kubala kwa Bbaibbele kwansondo ansondo; amubone w90-CN 6/1 p. 17 munc. 8.]

5. Kuba Roma 8:6, 7, “nyama” caamba ciimo cesu cakutalondoka icakuba bantu bakazyalwaa zisusi zyakucita zibi. [Kubala kwa Bbaibbele kwansondo ansondo; amubone w91-CN 3/1 p. 21 munc. 4.]

6. Muzike waambwa ku Luka 19:20-24 iwakatambula mpondo akwiiyobola mucisani wakacita cibi cakutatola ntaamu. [gt-CN mutwe 100]

7. Beendelezi banyika mbabelesi ba Leza mukuti babeleka mbuli balanda Bakwe kukutugwasya munzila zinji. (Ba-Roma 13:1-7) [kl-CG p. 132 munc. 8]

8. Ikutegwa twaambe ameni camoyo omwe kumamanino aamupailo uucitilwa buleya, tweelede kuuswiililisya. [kl-CG p. 154 munc.11]

9. Ku Incito 20:20, majwi aakuti “kunjilauka mumaanda” aamba buyo kucita nyendo zyabweembezi mumaanda abasyomima nkaambo makani aabandikwa atondezya kuti Paulo wakali kukananina baalu bamumbungano. [Kubala kwa Bbaibbele kwansondo ansondo; amubone w91-CN 1/15 p. 11 munc. 5.]

10. Ikuti naa twayiisya moyo wesu kuyanda zintu zyakumuuya, katupailila muuya wa Leza kuti utugwasye kucita boobo, tulaileka “miyeeyo yanyama.” (Rom. 8:6, 7) [Kubala kwa Bbaibbele kwansondo ansondo; amubone w91-CN 3/1 p. 21 munc. 5.]

Amwiingule mibuzyo eyi iitobela:

11. Ncibalo nzi mubbuku lya Incito icitondezya kuti kwiide kuba buyo a Jwi lya Leza alimwi akulibala kwalo kulikke takuzulili kugwasya muntu kubaa luzibo lwini-lwini lusololela kubuumi butamani? [Kubala kwa Bbaibbele kwansondo ansondo; amubone w91-CN 9/1 p. 19 munc. 16.]

12. Ndilili alimwi nkuulibani majwi aa Jesu aali ku Johane 11:26 nkwaayakuzuzikizigwa bwini-bwini? [gt-CN mutwe 90]

13. Ku Incito 11:26, nkaambo nzi Bbaibbele lya New World Translation ncolibelesya majwi aakuti “ncobakategwa Mbanakristo kuli Leza”? kakuli amwi ma Bbaibbele taambi kuti “kuli Leza”? [Kubala kwa Bbaibbele kwansondo ansondo; amubone w90-CN 6/1 p. 19 munc. 19.]

14. Nkaambo nzi kubusigwa kwa Lazaro ncokwakabafwisya nsoni kapati bama Saduki? [gt-CN mutwe 91]

15. Nkaambo nzi ncociyandika kapati kuti Banakristo bakkazike moyo ciindi nobapenga? (Johane 19:8-10) [gt-CN mutwe 123]

16. Magwalo nzi aamu Bbaibbele osanwe Paulo ngaakalemba ciindi cakusaanguna kwaangwa ku Roma? [Kubala kwa Bbaibbele kwansondo ansondo; amubone w90-CN 5/15 p. 26]

17. Ciimo ca Banakristo cicinca kapati buti kwiinda munguzu zya Jwi lya Leza kweelana abwaamba Ba-Roma 12:2? [Kubala kwa Bbaibbele kwansondo ansondo; amubone w90-CN 4/1 p. 16 munc. 3.]

18. Ino majwi aakuti “makani aasisidwe” aambwaa Paulo ku Ba-Roma 11:25 aamba nzi? [Kubala kwa Bbaibbele kwansondo ansondo; amubone w84-CN 2/1 p. 15 munc. 16.]

19. Nkaambo nzi mbungano ya Bunakristo ncoipedwe mulawo wakugwisya basimucita zibi bateempwi? (1 Kor. 5:11, 13) [Kubala kwa Bbaibbele kwansondo ansondo; amubone g96 9/8 p. 27 min. 2-3.]

20. Nkaambo nzi Paulo ncaakali kuyanda kapati kuti aunke ku Roma? (Rom. 1:11, 12) [Kubala kwa Bbaibbele, amubone w90-CN 8/1 p. 23]

Amubikke bbala naa mabala aayandika kutegwa twaambo ootu tuzulile:

21. Kweelana abwaamba Ba-Roma 13:1, beendelezi banyika baleendelezya ․․․․․․․․ Leza [Kubala kwa Bbaibbele kwansondo ansondo; amubone w90-CN 8/1 p. 24.]

22. Mbanji bantu bakatondezya luyandisisyo mu Korinto cakuti Paulo wakacaala mumunzi oyo ․․․․․․․․. [Kubala kwa Bbaibbele kwansondo ansondo; amubone w90-CN 5/15 p. 25.]

23. Ijwi lini-lini lya Jehova lyakamvwugwa ciindi Jesu ․․․․․․․․, aciindi ․․․․․․․․, alimwi amu Nisani 10, 33 C.E., naakapaila kuli Wisi ․․․․․․․․ ku Jerusalemu. [gt-CN mutwe 104]

24. Kweelana acikozyanyo ncaakapa Paulo camusamu waolifa wacikozyanyo ku Ba-Roma cipati ca 11, kuti mbweena mbuli misyobo iili 12 ya Israyeli mboyakazwa kuli Abrahamu kwiinda muli Izaka, ayalo misyobo iili 12 yacikozyanyo ya ․․․․․․․․ izwa kuli ․․․․․․․․ kwiinda muli ․․․․․․․․. [Kubala kwa Bbaibbele kwansondo ansondo; amubone w84-CN 2/1 p. 15 munc. 15.]

25. Nokuba kuti ․․․․․․․․ bakatambwa kuti babe akati kanabwiinga wa Kristo, mbasyoonto buyo bakasalwa. Aboobo, ibunji bwaba 144,000, ibatambula bulumbu bwakujulu ․․․․․․․․. [gt-CN 107]

Amusale bwiinguzi buluzi mukaambo kamwi akamwi katootu tutobela:

26. Ciindi kakankaminidwe aacisamu, Jesu wakapegwa waini wakasanganizidwe amura, pele wakakaka kuunywa nkaambo (mulawo wakali kukasya; wakali mu Nazari; wakali kuyanda kuti kuyeeya kwakwe kutanyonganizigwi. [gt-CN mutwe 125]

27. (Paulo; Petro; Luka) wakalumbaizya bantu baku (Bereya; Makedoniya; Jerusalemu), wakabaamba kuti “bakaliluleme kwiinda.” (Incito 17:11) [Kubala kwa Bbaibbele kwansondo ansondo; amubone w95-CN 5/1 p. 14 munc. 3.]

28. Ikubeja, naa luuni ilwaambwa ku Ba-Roma 1:25 caamba (kukomba mituni; ibwaamu; ikucenga). [Kubala kwa Bbaibbele kwansondo ansonda; amubone w91-CN 11/15 p. 6 munc. 6.]

29. Mukaintu Jesu ngwaakali kwaamba ku Matayo 26:13 ngu (Mariya mucizi wa Lazaro; Mariya mukaintu wa Klopa; Mariya Magadelene). [gt-CN mutwe 101]

30. Jesu wakaambwa kuti takwe cibi ziindi zyosanwe a (Heroda; Pilato; Felike), iwakazikuzulwa aba Juda akwaaba Jesu kuti ajaigwe. [gt-CN 124]

Amweendelanye Magwalo aatobela atwaambo tuli mumulongo uutobela:

Matayo 21:19-22; Johane 19:4-6; Johane 19:25-27; Incito 10:34, 35; Ba-Hebrayo 10:24, 25

31. Mbotuli babelesi ba Jehova, tweelede kulanga bantu bamisyobo yoonse mbuli mbwabalanga. [Kubala kwa Bbaibbele kwansondo ansondo; amubone w88-CN 5/15 p. 16 munc. 6.]

32. Banakristo bajisi mulimo wakulanga bazyali babo bacembeede. [gt-CN mutwe 126]

33. Ikukkazika moyo nokuli mapenzi inga caleta bulemu kuli Jehova akucita kuti bantu batulemeke. [gt-CN mutwe 123]

34. Ikutegwa lusyomo lwesu luyumizigwe, tuyandika kujanika kumiswaangano ya Bunakristo lyoonse. [kl-CG p. 163 munc. 8.]

35. Mukuyu Jesu ngwaakayumya uyiisya ciiyo kuli basiciiya cakuti bayandika kubaa lusyomo muli Leza. [gt-CN mutwe 105]