Zyakwaambilizya

◼ Mabbuku aakumwaya mu April alimwi a May: Mamagazini aa Ngazi Yamulindizi alimwi a Awake! Mulweendo lwakupilukila mulakonzya kubasiila bbuku lya Luzibo naa broshuwa ya Ncayanda aabo ibalaa luyandisisyo kamujisi makanze aakutalisya ziiyo zya Bbaibbele zyaaŋanda. June: Ncinzi Leza Ncayanda Kulindiswe? naa Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda. July: Kufwumbwa broshuwa akati kayaaya amapeeji 32 alakonzya kubelesyegwa: Sena Leza Ncobeni Ulatulanganya?, Mutangale Abuumi a-Nyika!, “Amubone! Ndalengulula Zintu Zyoonse Zibe Zipya,” Kodi Muyenera Kukhulupirira Utatu?, The Divine Name That Will Endure Forever, Imfulumende Eeyo Iiyooleta Paradaiso, Ncinzi Cicitika Kulindiswe Twafwa?, Ino Buumi Bujisi Mulimonzi—Mbubuti Mbomunga Mwabujana?, alimwi a Ciindi Muntu Ngomuyanda Nafwa. Imabroshuwa aakuti A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, alimwi a Will There Ever Be a World Without War? alakonzya kumwaigwa kubantu bayelede.

◼ Ncintu ciyandika lyoonse kuti iba Sosaiti kabajisi makkeyala alimwi amanambaa luwaile aaluzi aabalangizi beendelezya alimwi abalembi. Ikuti naa kwaba kucinca, imulembi weelede kulemba mufoomu yakucinca Kwakkeyala ya Mulangizi Weendelezya/Mulembi (S-29) akwiitumina ku Sosaiti cakufwambaana.

◼ Makani No. 3 alimwi a No. 4 aali mu “Mulongo Wamakani mu Cikolo Camulimo Wateokrasi mu 2001” agwisigwa mubbuku lya Kukambitsirana amapeeji alimwi amincali iitondezyedwe. Ciindi nomubala mincali mubbuku, ilikke eeyo iijisi muzila wakusaanguna uunjide mukati asyoonto njiyeelede kubalwa.

◼ Ibalembi bambungano beelede kabajisi mafoomu manji aa Kulembela Mulimo Wabupainiya Bwaciindi Coonse (S-205) alimwi aya Kulembela Mulimo Wabupainiya Bwakugwasilizya. (S-205b). Mafoomu aaya alakonzya koodwa kwiinda mukubelesya Foomu Yakoodela Mabbuku (S-14). Mweelede kubaa mafoomu ngomukonzya kubelesya kwamwaka omwe. Amulange-lange mafoomu oonse abaabo bakalembela mulimo wabupainiya bwaciindi coonse kutegwa musinizye kuti akalembwa kabotu cakumaninina. Ikuti naa basikulemba kabatakonzyi kwiibaluka deeti nobakabbapatizigwa, beelede kulemba deeti ilaafwaafwi abuzuba oobo mbubaabbapatizigwa, kwamana waawo amwaayobole makani aaya.

◼ Ibbuku lyamabala mapati lya Isaiah’s Prophecy—Light for All Mankind I lili mukubambwa ikutegwa aabo ibataboni kabotu bagwasigwe. Ibbuku eeli linooli mbuli magazini kukomena kalijisi civwumbyo cuuba-uba amapeeji aali 512 kalitajisi zifwanikiso. Alimwi mabala kukomena anooli mbuli aa Ngazi Yamulindizi yamabala mapati iijisi zibalo zyobile ziyiigwa. Kwaciindi eeci kunooli buyo lyamu Cingisi lilikke. Myaambo imwi iyooambilizigwa yaakutalika kujanika. Lilakonzya kulombwa mukubelesya foomu yakoodela mabbuku kuti Isaiah’s Prophecy 1-Yamabala Mapati.

◼ Kutalikila mumvwiki ya July 30, 2001 tunooiya bbuku lya Muntu Mupati Kwiinda Iwakaponede Aciiyo Cabbuku Cambungano.

◼ Lyoonse nomuyanda kuyooswaya cisi cimwi alimwi akuti kamuyanda kuyoojanika kumiswaangano yambungano, muswaangano wabbazu naa wacooko, nomubuzya kujatikizya madeeti, ziindi alimwi amasena, mweelede kubuzya kuofesi lyamutabi lilanganya mulimo mucisi eeco ncomuyanda kuyooswaya. Makkeyala amaofesi amutabi alajanika kupeeji yamamanino mu Yearbook iibelesyegwa mwaka umwi aumwi.

◼ Ngazi Yamulindizi inooliko ateepu yakuswiilila mumwaambo waci Portuguese kutalikaa magazini ya April 1, 2001.