Kabbokesi Kamubuzyo

◼ Sena cileelede kwiimba nyimbo zyakaindi izitako mubbuku lyanyimbo lya Imbirani Yehova Zitamando?

Mumwaka wa 1966 nolyakazwa mubbuku lyanyimbo lya “Kuyimba ndi Kutsagana ndi Nyimbo za Malimba M’mitima Mwanu”, Ngazi Yamulindizi ya Cingisi yamu May 15, 1966 apeeji 315 yakaamba kuti: “Zyoonse nyimbo zizibidwe kuti zyakazwa kuli Babuloni Mupati zyagwisigwa, ncimwi buyo azisyoonto zyakasyeede zizwa kunyika naa ‘zyansiku,’ caba boobo akaambo kamboziswaangene azyakunyika. . . . Zyoonse eezi zyapa kuti nyimbo zimwi zigwisigwe zyalo zyali kukkomanisya bantu banji; pele cili kabotu kuyeeya kuti mabala aapa kuti eeli bbuku lyanyimbo libe limwi lyantembauzyo kuli Jehova akuti ceelede kuyandika kapati kuti mabala aaya kaataswaangene kuzwa kuli zyakunyika zyoonse naa bukombi. Lino eeci tacinooli boobo pe. Kufwumbwa buyo mwamvwa ‘Lwiimbo lwa Bwami’ lunooli Lwiimbo lwa Bwami ncobeni!”

Mumwaka wa 1984, ibbuku lyanyimbo lipya lyamutwe wakuti, Imbirani Yehova Zitamando lyakabambuludwe kabotu lyakamwaigwa mu Cingisi. Toonse twakulwaizigwa kwiiya alimwi akwiimba nyimbo eezi zipya. Tacili kabotu kwiimba kufwumbwa nyimbo yakaindi yakagwisigwa mubbuku lyanyimbo ndyotujisi lino. Eezyo nyimbo zyakaindi, tazyeelede kuyiisigwa kubana besu naa bapya alimwi taziceelede buya kwiimbwa kumiswaangano ya Banakristo naa kutumapobwe twakuyanzana.