Zyakwaambilizya
◼ Mabbuku aakumwaya mu September: Life—How Did It Get Here? By Evolution or by Creation? Ikuti kamutalijisi mulakonzya kumwaya kufwumbwa mabbuku aakaindi ngomucijisi mumbungano. October: Mamagazini aa Ngazi Yamulindizi alimwi a Awake! November: Ncinzi Leza Ncayanda Kulindiswe? naa Luzibo Lutola Kubuumi Butamani. Ikuti bantu kabaajisi kale aaya, ibbuku limbi lyakaindi lilakonzya kumwaigwa. December: Muntu Mupati Kwiinda Iwakaponede. Ikuti kamutalijisi eeli bbuku, inga mwabelesya Ibbuku Lyangu Lyamakani Aa-Bbaibbele, Baibulo—Kodi Ndilo Mawu a Mulungu Kapena a Munthu?, naa lya Mulakonzya Kupona Kukabe Kutamani mu-Paradaiso Anyika.
◼ Tuyanda kumuzyibya kuti Cikolo Camulimo Wabupainiya ciyoocitwa mu October 1-14, 2001, aboobo aabo boonse bapainiya baciindi coonse bakatalika mu October naa kabutanasika buzuba bwa October 1, 2000, abaabo batanajanikide, balakonzya kulibambila. Mwalombwa kuti mulibambile kutegwa mukajanike ku Cikolo Camulimo Wabupainiya ciyakuba mu October, lyoonse kamuyeeya kuti, oobu mbubambe buzwa kuli Jehova. Mulangizi wabbazu uyakumutumina twaambo tulimbotubede kujatikizya muswaangano ooyu.
◼ Kutalikila mwaka uuno, bapainiya baciindi coonse batanasisya myaka yakuzyalwa iili 16 tabakazumizyigwi kunjila Cikolo Camulimo Wabupainya, ccita kuti bakakkwanisye myaka eeyo mu September 1 nobayoonjila cikolo. Ccita mupainiya ooyo ulaamyaka misyoonto wazwidilila abazyali bakwe, inga watambulwa.
◼ Baalu bayeezyegwa kuti baatobele kabotu malailile aapedwe mu Ngazi Yamulindizi yamu Chichewa yamu April 15, 1991 mincali 21-3 kujatikizya baabo bakagusyigwa naa bakalizandula, balo kabayanda kujokezyegwa.
◼ Ofesi lyamutabi talizumini pe kulomba mabbuku kwasikumwaya omwe buyo. Mulangizi weendelezya weelede kucita bubambe bwakwaambilizya lyoonse amwezi kacitanasika ciindi mbungano niitumina cipepa cakoodela mabbuku kumutabi kutegwa boonse aabo bayanda mabbuku kabajana ciindi cakubona mukwesu uubeleka kumabbuku. Mwalombwa kuti lyoonse kamwaazi mabbuku aawodwa buyo nokuli muntu waayanda.
◼ Mulawo uujatikizya kubweza zitupa wa National Registration Regulations mu Zambia waamba kuti, ibana Zambia boonse ibajisi myaka yakuzyalwa iilondelela naa kwiinda ku 16 beelede kuunka ku Ofesi lya National Registration lili afwaafwi ankobakkala kuyoobweza citupa cabusicisi. Abaabo bakacinca mazinaabo bayandika kubweza citupa cipya. Boonse aabo bajatikizidwe bayandika kufwambaana kwaalanganya makani aaya kabaabona kuba umwi wamilawo yamfwulumende Munakristo uli woonse njayelede kutobela. Baalu boonse alimwi abazyali beelede kucibikka mumizeezo eci akubayeezya bakwesu alimwi abacizi balaa myaka yakuzyalwa iilondelela ku 16.
◼ Waini waciibalusyo: Mbungano zyamuminzi inga zyatalika kooda waini lino. Amwiitumine foomu ya S-20 antoomwe amali. Amulembe mabala aakonzyeka kubalika kuti “FOR WINE” mumuzila uutalembedwe. Mutatumini lugwalo naa S-14 pe, njiyona S-20 ninji. Ikuti naa tiimwaabbadalela limwi, nkokuti tamukatuminwi waini pe. Muulo wakabbodela kawaini kajisi 200 ml, ngu K2,000.00 luzutu. Buzuba bwakuleka kooda buyakuba mu December 31, 2001. Waini uyootuminwa mu February 2002.
◼ Mabbuku Mapya Aaliko:
Watch Tower Publications Index 1986-2000—Cingisi
◼ Makkaseeti Amavidiyo Mapya Aaliko:
The Greatest Man Who Ever Lived—On Videocassette, Volume 1—Mwaambo Wakutambaika Waku Amelika