Zyakwaambilizya

◼ Mabbuku aakumwaya mu December: Muntu Mupati Kwiinda Iwakaponede. Ikuti kamutalijisi eeli bbuku, inga mwabelesya Ibbuku Lyangu Lyamakani Aa-Bbaibbele, Baibulo—Kodi Ndilo Mawu a Mulungu Kapena a Munthu?, naa lya Mulakonzya Kupona Kukabe Kutamani mu-Paradaiso Anyika. January: Kufwumbwa bbuku lyamapeeji aali 192 lyakamwaigwa kautanasika mwaka wa 1987 ngoijisi mbungano. Imbungano zijisi bbuku lya Mankind’s Search for God zilakonzya kulimwaya. February: Life—How Did It Get Here? By Evolution or by Creation?, Revelation—Its Grand Climax At Hand!, naa bbuku limbi buyo lyamusyule lyamapeeji aali 192 ngoijisi mbungano. March: Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda.

◼ Mbungano zyeelede kutalika kooda mabbuku aamamagazini aa Ngazi Yamulindizi alimwi a Galamukani! aamu 2001 muoda yabo yamabbuku yamu December. Mabbuku aamamagazini aaya anooliko buyo mumwaambo wa Cingisi. Ikusikila mane mabbuku aamamagazini aaya akabeko alimwi akutuminwa, apepa lyambungano litondezya mpasya zilongedwe kunoolembedwe kuti “Aakale.” Mabbuku aamamagazini nzyakooda zyaalubazu.

◼ Ciibalusyo camu mwaka wa 2002 ciyooba muli Bwane, mu March 28 lyaakubbila zuba. Twamuzibizyizya limwi kutegwa bakwesu baswaanganina mu Ŋanda ya Bwami iibelesyegwaa mbungano zinji batalikile limwi kulomba masena aambi mobatiikaswaanganine. Ibaalu beelede kuzuminizyanya abeendelezi babusena oobo kutegwa kutakabi zintu zinyonganya ziyoocitilwa mumasena aayo akuti Ciibalusyo cikacitwe muluumuno. Mbouli muswaangano uuyandika kapati, ibaalu nobasala mwaambi wamakani aa Ciibalusyo beelede kusala umwi wabaalu uulaa zyeelelo zili kabotu muciindi cakwiide kucinca-cinca naa kubelesya mukwesu nguwenya mwakaa mwaka. Ikuti kakuli mwaalu weelela umwi wabananike uukonzya kwaakanana makani, mulakonzya kumusala. Muzibisyigwa kuti Ciibalusyo camu mwaka wa 2003 ciyooba muli Bwatatu mu April 16.