Makani Aa Teokrasi

Mumwaka wa 2001 mu October alimwi November, cakali ciindi cakwaaba Maanda aa Bwami mapya aali 22.

Camasimpe, aaya makani mabotu alimwi alakkazyika moyo! Ngaaya Maanda aa Bwami aali 10 akaabwa mu October: Chitenda East, Kabwe Chowa Central, Kabwe Highridge, Kabwe Mine, Kabwe Mine West, Lumpampa, Mazabuka, Mazabuka Central, Mbete alimwi a Musaba. Mu November amwalo kwakaabwa Maanda aa Bwami aali 12: Chamalenje, Chongwe East, Choto West, Kafukula East, Kapululwe, Lusaka Kabanana West, Lusaka Malipodi, Matuku, Nakabwe, Nyakasongo alimwi a Rufunsa, ooko Maanda aa Bwami obilo nkwaakaabwa.

Twabalumba boonse bali mukabunga Kayaka Maanda aa Bwami cisi coonse mbocizulwa alimwi abaabo babeleka cakulisungula amikwasyi yabo akaambo kamuuya wabo wakulyaaba kwiinda mukugwasyilizya kuyaka Maanda aa Bwami aayandika. Kweelana amweelwe mupya ngotujisi, kuli Maanda aa Bwami aali 145 akaabwa kale. Pele kuciyandika Maanda aa Bwami aambi. Twazyilomba zyoonse mbungano zyiyanda kuba aŋanda yabwami kuti zyeelede: (1) kujana busena, (2) kubabona ba Kabunga Kayaka Maanda aa Bwami alimwi (3) akuzumanana kusanga mali aayandika kumayake aaya. Iba Kabunga Keendelezya bayanda kuti mbungano kazyiswaanganina mu Maanda aa Bwami aayakidwe kabotu. Aboobo, inga cainda kubota ikuti bunji bwesu twagwasyilizya mukuyaka maanda aakukombela.