Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya January 7 kusika mu April 22, 2002. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo ootu, mwaambe naa Kaliluzi naa Takaluzi:
1. Kubbuku lya Mukambausi 2:2, ikaambo kapati Solomoni nkaamba nkakuti kusekelela alimwi akukondwa kweelede kulekwa. [Kubala kwa Bbaibbele kwansondo ansondo; amubone w87-CN 9/15 p. 24 munc. 5.]
2. Ibbuku lya Isaya 38:5 litugwasya kubona kuti, ikupaila mipailo yakukombelezya kulakonzya kupa kuti Jehova acite cintu ncaatali kulangilwa kucita aciindi eeco. [Kubala kwa Bbaibbele kwansondo ansondo; amubone w95-CN 4/1 p. 15.]
3. Kubbuku lya Isaya 1:7, imusinsimi waamba kunyonyoonwa kwa Juda mumazuba aabweendelezi bwa Ahazi. [Kubala kwa Bbaibbele kwansondo ansondo; amubone ip-1-CN p. 17 munc.16.]
4. “[Ikwiima] kunembo lyacuuno cabwami akunembo lya-Mwanambelele” kweelana ambokulembedwe kubbuku lya Ciyubunuzyo 7:9 caamba kuba kujulu kwini buya. [rs-CN p. 209 munc. 4]
5. Bantunsi bakompeme aanyika balakonzya kupa kuti Mulengi wabubumbo boonse acimwe naa akondwe. (Is. 63:10) [Kubala kwa Bbaibbele kwansondo ansondo; amubone w93-CN 6/15 p. 15.]
6. ‘Imilimo iiyoosya alimwi ancito iigambya’ yamazubaano yakasinsimwa kubbuku lya Isaya 28:21 yaamba kunyonyoonwa kwamasi lyankondo ya Harmagedoni. [Kubala kwa Bbaibbele kwansondo ansondo; amubone ip-1-CN p. 295 munc. 16; p. 301 munc. 28.]
7. Ibbuku lya Isaya 53:5, 12 lyakasinsima kuti Jesu Kristo wakali kuyoofwa kali cituuzyo cacinunuzyo civwumba zibi zyabantu. [Kubala kwa Bbaibbele kwansondo ansondo; amubone w92-CN 10/1 p. 14.]
8. Koresi wakaba “munanike” wa Jehova, nikuba kuti taku bumboni butondezya kuti mafwuta eeni buya akatilwa amutwe wakwe. (Is. 45:1) [Kubala kwa Bbaibbele kwansondo ansondo; amubone w92-CN 11/15 p. 30.]
9. “Bamasi” ibaambwa kubbuku lya Isaya 60:3 nzisi zyamunyika cimwi acimwi kucigama zyalo izyaukkomanina mumuni ngwapa Leza. [Kubala kwa Bbaibbele kwansondo ansondo; amubone w00-CG 1/1 p. 24 munc. 4.]
10. Jehova “[wakamu]salazya” Jeremiya katanakuzyalwa mukuti Wakazibikkila limwi zyoonse zyakali kuyoocitikila Jeremiya kumbele kusikila kutamani. (Jer. 1:5) [Kubala kwa Bbaibbele kwansondo ansondo; amubone w88-CN 4/1 p. 10 munc. 2.]
Amwiingule mibuzyo eeyi iitobela:
11. Kubbuku lya Mukambausi 11:1, ino ‘ikwaaba zilyo’ caamba nzi? [Kubala kwa Bbaibbele kwansondo ansondo; amubone w87-CN 9/15 p. 25 munc. 11.]
12. Kubbuku lya Isaya 6:8, ino ngwani Jehova ngwabikkilizya iciindi naamba kuti “kutwiinkila”? [Kubala kwa Bbaibbele kwansondo ansondo; amubone ip-1-CN pp. 93-4 munc. 13.]
13. Ino mbuti “mumuni mupati” mbowakamunika mu Galilaya mukuzuzikizyigwa kwabbuku lya Isaya 9:2? [Kubala kwa Bbaibbele kwansondo ansondo; amubone ip-1-CN p. 126 munc. 17.]
14. Ino ncintu nzi mazubaano cikonzya kweelanizyigwa akuwa kwa Babuloni kwamu 539 B.C.E. alimwi akunyonyoonwa kwakwe cakubula acicaala? (Is. 13:19, 20; 14:22, 23) [Kubala kwa Bbaibbele kwansondo ansondo; amubone ip-1-CN p. 188 minc. 30-1.]
15. Ino mbuti “muzike musyomesi uucenjede” mbwaabeleka kali “mulindizi” kweelana ambokwaambidwe kubbuku lya Isaya 21:6? (Mt. 24:45) [Kubala kwa Bbaibbele Kwansondo Ansondo; amubone ip-1-CN pp. 221-2 munc. 11.]
16. Ino ndulayo nzi lubotu lujanwa ku Tusimpi 31:10 kumulombwana uuyanda kukwata? [Kubala kwa Bbaibbele kwansondo ansondo; amubone w00-CG 2/1 p. 31 munc. 1]
17 Kubbuku lya Isaya 43:9, ino nkwiita kuli buti ikucitwa kuli baleza bamasi? [Kubala kwa Bbaibbele kwansondo ansondo; amubone w88-CN 2/1 p. 16 munc. 3.]
18. Muunzila nzi maulu aabaabo bakambauka makani mabotu aa Bwami bwa Leza mwaali ‘mabotu’? (Is. 52:7) [Kubala kwa Bbaibbele kwansondo ansondo; amubone w97-CN 2/1 p. 6 munc. 14.]
19. Ino ncinzi ncotweelede kucita ikutegwa moyo wesu utatweeni? (Jer. 17:9) [Kubala kwa Bbaibbele Kwansondo Ansondo; amubone w00-CG 3/1 p. 30 munc. 4]
20. Ino ncinzi ncobeelede kucita aabo ‘beenda munzila ya Jehova’? (Jer. 7:23) [Kubala kwa Bbaibbele kwansondo ansondo; amubone w99-CG 9/1 p. 20 munc. 18.]
Amubikke bbala naa mabala aayandika kutegwa twaambo ootu tuzulile:
21. Ikwaambwa kuti “moyo wamusongo ulamutola kululyo” mukuti “kululyo” kanjikanji kwaamba ․․․․․․․․; aboobo eeci citondezya kuti ․․․․․․․․ wakwe ulamukulwaizya kupona bukkale bubotu, ibulombozyeka. (Muk. 10:2; Mt. 25:33) [Kubala kwa Bbaibbele kwansondo ansondo; amubone w87-CN 9/15 p. 25 munc. 8.]
22. “Taakwe muntu uujisi inguzu zyakutabilila muuya” mukuti muntu uufwa takonzyi kuukazya muuya naa ․․․․․․․․, ikuukasya kujokela kuli Leza wakaupa alimwi Mwini ikutegwa apone mazuba manji. (Muk. 8:8) [Kubala kwa Bbaibbele kwansondo ansondo; amubone kl-CG p. 81 munc. 5.]
23. Sikusaala minzi ya Juda iwaambwa kuli Isaya 33:1 ngu ․․․․․․․․, iwakali kuzyoozundwa mu 632 B.C.E., akusiya lubono ndubakasaala lunji kubantu bamu ․․․․․․․․, wakali ‘kuzyoosaala mbubasaala bacamusokonya.’ (Is. 33:4) [Kubala kwa Bbaibbele kwansondo ansondo; amubone ip-1-CN p. 343 munc. 4; p. 345 munc. 6.]
24. Ikweelana akwaamba kwa Isaya 4:1 alimwi a Ba-Galatiya 4:26, 27 kuyubununa kuti mukaintu “musundi” kwiiminina ․․․․․․․․ alimwi ‘mukaintu uukwetwe’ wiiminina ․․․․․․․․. [Kubala kwa Bbaibbele kwansondo ansondo; amubone w95-CN 8/1 p. 11 munc. 8.]
25. Imakani akuyoowa Leza notulangaula Jehova taali aakutucita kuti ․․․․․․․․ cakukankama pe, pele atukulwaizya ․․․․․․․․ Taateesu siluyando, ooyo ngotuzyi kuti ulayandisisya kuti katupona kabotu. [w00-CG 3/1 p. 30 munc. 5]
Amusale bwiinguzi buluzi akati katwaambo ootu tulaansi:
26. Mbweena mbuli beenzyinyina bamumwaanda wakusaanguna, Bakamboni ba Jehova bayandika mbunga sunu (ikutegwa bacite makwebo aalampindu; ikutegwa bacite mulimo wabo wakukambauka munzila iili kabotu; ikutegwa kababalwana cacigaminina aabo ibabakazya.) [w00-CG 4/1 p. 31 minc. 3, 4]
27. Izina lyabulemu lyakuti “Tateesu Uuteeli” lyaamba nguzu zijisi Mwami wabu Mesiya zyakupa bantu (nguzu zyakumuuya; buumi bwakujulu butafwiki; bulangizi bwabuumi butamani anyika). (Is. 9:6; Joh. 11:25, 26) [Kubala kwa Bbaibbele kwansondo ansondo; amubone ip-1-CN p. 131 munc. 26.]
28. Mukuzuzikizyigwa kwamazubaano kwabbuku lya Isaya 66:7, “mwana mulombe” wakazyalwa wiiminina (Jesu Kristo; Bwami bwabu Mesiya; musyobo wakumuuya mupya mu 1919). [Kubala kwa Bbaibbele kwansondo ansondo; amubone w95-CN 1/1 p. 11 munc. 3.]
29. Ikuti bbuku lya Matayo 10:28 twalibala kabotu, litugwasya kumvwisya kuti Gehena (mbusena bwakupenzyelwa; ciiminina kunyonyookela limwi; caamba kuzanduka kuli Leza). [rs-CN p. 149 munc. 1]
30. Mukuzuzikizyigwa kwamazubaano, “musyobo iwakakaka kumvwa ijwi lya-Jehova” iwaambwa kubbuku lya Jeremiya 7:28 waamba (Babuloni Mupati; Kristendomu; bweendelezi bwanyika bwaciloba). [Kubala kwa Bbaibbele kwansondo ansondo; amubone w88-CN 4/1 p. 18 munc. 10.]
Amweendelanye magwalo aaya atwaambo tulaansi aawa:
Is. 43:10; Muk. 3:11; Is. 40:8; Muk. 7:21, 22; 1 Pet. 4:6
31. Kuciindi ceelede alimwi akubusena bweelede mulimo umwi aumwi wa Leza kweelana ambouswaangene amakanze aakwe, uyakuyubununwa. [Kubala kwa Bbaibbele kwansondo ansondo; amubone w87-CN 9/15 p. 24 munc. 8.]
32. Ikukambauka makani mabotu kulibaabo bafwide munzila yakumuuya kulakonzya kubapa ciindi cakweempwa. [rs-CN p. 205 munc. 3]
33. Taku leza wakaliko katanaba Jehova alimwi taku uuya kuba kumpela lyakwe nkaambo walo tafwi, Mmwami Mupati. [Kubala kwa Bbaibbele kwansondo ansondo; amubone w92-CN 1/15 p. 22.]
34. Ijwi lya Leza naa makanze aakwe aalembedwe, taakonzyi kuyabaila buyo nikuba kusinkililwa ikutegwa atazuzikizyigwi. [Kubala kwa Bbaibbele kwansondo ansondo amubone ip-1-CN pp. 401-2 munc. 10.]
35. Mutani kulangili kuti inga mwacita zintu zilondokede naa kucitila balongwe banu batalondoke. [Kubala kwa Bbaibbele Kwansondo Ansondo; amubone w90-CN 3/1 p. 8.]